Қазақстан Республикасы Экология, геология және табиғи ресурстар министрлігі Орман шаруашылығы және жануарлар дүниесі комитеті ««Есік мемлекеттік дендрологиялық саябағы» республикалық мемлекеттік қазыналық кәсіпорнының директоры бос лауазымына орналасуға конкурс жариялайды
Конкурс қатысушыларына қойылатын талаптар: "Аңшылықтану және аң өсіру", "Орман ресурстары және орман өсіру" бойынша жоғары (немесе жоғары оқу орнынан кейінгі), "Юриспруденция" білім және орман шаруашылығы, ерекше қорғалатын табиғи аумақтар ұйымдарында басшы лауазымдардағы жұмыс өтілі кемінде бес жыл.
Конкурсқа қатысуға үміткер тұлғалардан құжаттар қабылдау басталатын күн бұқаралық ақпарат құралдарында конкурс өткізу туралы хабарландыру орналастырылған күннен бастап айқындалады. Конкурсқа қатысуға үміткер тұлғалардың құжаттарын қабылдау бұқаралық ақпарат құралдарында конкурс өткізу туралы хабарландыру жарияланған күннен бастап күнтізбелік он бес күн өткеннен кейін аяқталады.
Конкурсқа қатысу үшін қажетті құжаттар:
- конкурсқа қатысу туралы өтініш;
- мемлекеттік және орыс тілдерінде түйіндеме;
- еркін нысанда жазылған өмірбаян;
- білімі туралы құжаттардың көшірмелері;
- еңбек кітапшасының (ол болған кезде) немесе еңбек шартының көшірмесі не соңғы жұмыс орнынан жұмысқа қабылданғаны және еңбек шартының тоқтатылғаны туралы бұйрықтардың көшірмелері;
- "Денсаулық сақтау ұйымдарының бастапқы медициналық құжаттама нысандарын бекіту туралы" Қазақстан Республикасы Денсаулық сақтау министрі міндетін атқарушысының 2010 жылғы 23 қарашадағы № 907 бұйрығымен (Нормативтік құқықтық актілерді мемлекеттік тіркеу тізілімінде № 6697 болып тіркелді) бекітілген нысан бойынша денсаулық жағдайы туралы анықтама.
Конкурсқа қатысушы өзінің біліміне, жұмыс өтіліне, кәсіби даярлық деңгейіне қатысты қосымша ақпаратты (біліктілігін арттыру, ғылыми дәрежелер мен атақтар беру, ғылыми жарияланымдар туралы құжаттардың көшірмелері, сондай-ақ бұрынғы жұмыс орнының басшылығынан ұсынымдар және т.с.) бере алады.
««Есік мемлекеттік дендрологиялық саябағы» республикалық мемлекеттік қазыналық РМҚК орналасқан жері: Алматы облысы, Еңбекшіқазақ ауданы Ақтоғай ауылы Х.Абдуллин көшесі 10 үй
Конкурстың өту күні үміткерлерге ескертіледі. Конкурсқа қатысу үшін қажетті құжаттарды тапсыру және конкурс келесі мекен жайда өтеді: 010000, Нұр-Сұлтан қаласы, Сол жағалау, Мәңгілік ел, 8-үй, Министрліктер үйі, 1 кіреберіс.
Анықтама үшін телефон: (7172) 74-99-42, 74-99-29.