ЕҚТА-да ғылыми қызметті жүргізу: Катон-қарағай ұлттық паркі

28 қазанда ZOOM платформасында Орман шаруашылығы және жануарлар дүниесі комитеті өкілдерінің және табиғат қорғау мекемесінің  басшылығы мен ғылыми қызметкерлерінің қатысуымен ерекше қорғалатын табиғи аумақта ғылыми қызметті жүргізуге қатысты «Катон-Қарағай»  ұлттық паркін тыңдау өткізілді.

Жиын барысында Катон-қарағай паркінің  қызметкерлері ғылыми қызметті жүргізу бойынша  баяндама мен презентация ұсынып, ғылымның әртүрлі бөлімдері мен бағыттары бойынша жоспарға  сәйкес атқарылған жұмыстар талқыланды, мысалы:

"Катонқарағай мемлекеттік ұлттық табиғи паркінің жоғары тамырлы өсімдіктерінің биоалуантүрлілігі";

"Катонқарағай мемлекеттік ұлттық табиғи паркінің сирек кездесетін және құрып кету қаупі төнген құс түрлерінің ұялары мен ұя салатын учаскелерінің мониторингі", сондай-ақ табиғат қорғау мекемесінің  табиғи процестерге мониторинг жүргізуі және табиғат шежіресінде нәтижелерді бекіту туралы айтылды.

Бұдан басқа, ғылыми қызметті жүргізу бойынша проблемалық мәселелер талқыланды, оларды шешу жолдары қарастырылатын болады.