Жыл сайынғы тақырыптық диалогқа биыл 17 ел қатысты

Ағымдағы жылдың 25 қазанында Алматы қаласында "Климаттың өзгеруінің салдарын жою үшін Азиядағы ормандардың жойылуын азайту және қалпына келтіру жөніндегі жаһандық күш-жігерді ынталандырудағы AFOCO рөлі" тақырыбында жыл сайынғы тақырыптық диалог өтті.

Аталған іс-шараға 17 елдің өкілдері қатысты. Қазақстан тарапынан орман шаруашылығы және жануарлар дүниесі комитеті төрағасының орынбасары Ерлан Құтпанбаевтың төрағалығымен орман шаруашылығы және жануарлар дүниесі комитетінің қызметкерлері қатысты.

Тақырыптық диалогтың мақсаты - Азиялық ормандарды климаттың өзгеруіне сезімтал ету үшін климаттық әрекеттерді анықтау, сонымен қатар жеке сектордың жаңа мүмкіндіктерімен бөлісу және болашақ серіктестермен AFoCO ынтымақтастығының әлеуетті бағыттарын талқылау.

Іс-шара қорытындысы бойынша орман шаруашылығының кадрлық әлеуетін арттыру, сонымен қатар орман шаруашылығы қызметкерлерінің біліктіліктіліктерін арттыру курстарымен қамтамасыз етілетіні туралы айтылды.