«Таза табиғат» жобасы: Маңғыстау облысында 2500-ге жуық ағаш отырғызылды
Қаланы көгалдандыру жұмысы «Таза табиғат» жобасының "Мекенім - жасыл елім" атты республикалық акциясы аясында орындалып жатыр.
Акцияға қатысушылар ішінде басқарма басшылары мен мекеме мамандары, Қазақстан Ассамблеясының өкілдері, еріктілер бар. Олар алдымен 17, 18 шағынауданнан бастап 16-19 шағынаудандардың орталық көшелеріне, 32 және 35 шағынаудандағы Қан орталығына дейін шырша екті.
Шараға Маңғыстау облысы әкімінің орынбасары Абзал Меңдібаев та атсалысты.
"Таза табиғат" акциясы 5 бағытты қамтиды. "Мекенім - жасыл елім" бағыты бойынша ағаш отырғызса, оқушылар "Бұл - менің ағашым" челленджін өткізеді. Сонымен қатар "Таза су айдындары" бағыты бойынша бұлақ көзін ашу, "Таза жағалау" акциясы ұйымдастырылып жатыр. Қазір жағалау аймақтарына, су қоймалары мен қаумалдарға сенбілік жүргізіліп жатыр", - дейді облыстық Табиғи ресурстар және табиғатты реттеу басқармасының өкілі Динара Еңсеген.
Айта кетейік, акция Президент тапсырмасына сәйкес Экология, геология және табиғи ресурстар министрлігінің ұйымдастыруымен өтіп жатыр.