Республика аумағында омыртқалы жануарлардың 835 түрі мекендейді, оның ішінде сүтқоректілердің – 178 түрі, құстардың – 489 (олардың 396-сы Қазақстанда ұя салады, басқалары тек қыстауға ұшып келеді немесе көктем мен күзде ұшып кетеді), бауырымен жорғалаушылардың – 49, қосмекенділердің – 12, балықтардың – 104 және дөңгелек ауыздылардың – 3 түрі бар.
Қазақстанның Қызыл кітабына енгізілген:
1) Омыртқалы жануарлардың – 132 түрі мен түршелері, оның ішінде дөңгелек ауыздылардың – 1 түрі, балықтардың-16, қосмекенділердің – 3, бауырымен жорғалаушылардың-10, құстардың – 57 және сүтқоректілердің – 44 түрі;
2) Омыртқасыз жануарлардың – 95 түрі, оның ішінде, буылтық құрттардың – 2, моллюскалардың (жұмсақ денелілер) – 6, шаян тәрізділердің – 1, өрмекшітәрізділердің – 1, жәндіктердің – 85 түрі енгізілген.
Сүтқоректілердің 35 түрі және құстардың 59 түрі – аңшылық объектілеріне жатады.
Жануарлар дүниесі объектілерін сақтау – Комитет қызметіндегі негізгі басымдықтардың бірі.
Сирек тұяқты жануарлар мен киіктердің санының жыл сайын артуы байқалады.
2005 жылы тоғай бұғысы – 350 дарақ, қарақұйрық – 12 500 дарақ, құлан – 1 112 дарақ, арқар – 8 835 дарақ болса, 2022 жылғы санақ бойынша тоғай бұғысы – 1 052 дараққа (300%-ға), қарақұйрық – 15 089 дараққа (20,7%), құлан – 4 413 дараққа (396,8%), арқар – 19 730 дараққа (223,3%) өскен.