Мемлекет басшысы елімізде 2025 жылға дейін 2 миллиард ағаш отырғызуды тапсырды. Бұл тапсырманы орындау үшін облыс әкімдіктері экология және табиғи ресурстар министрлігімен бірге орман өсіру және орманды қалпына келтіру бойынша кешенді жоспарларды бекітті. Іс-шаралар ғылыми ұсынымдар мен орман шаруашылығы талаптарына сәйкес жүргізілуде.
2021-2023 жылдары республика бойынша 839,5 миллион ағаш (саксаул, қарағай, қарағаш, тал, жөке, алма, шырша және басқа) отырғызылып, себілді. Биылғы көктемде барлығы 131,3 миллион ағаш отырғызылды.
Ағаш отырғызу жұмыстарының сапасына қатысты туындаған қауіптерді ескере отырып, ағаш отырғызу әдістемелері қайта қаралды. Осыған байланысты мемлекет басшысы тапсырманың орындалу мерзімін 2027 жылға дейін ұзарту туралы шешім қабылдады.
Барлық жоспарланған көрсеткіштер облыс әкімдіктеріне жеткізілді. Орман екпелерін құру жұмыстарының қарқынын арттыру бойынша шаралар қабылдануда.