Каспий итбалығының популяциясын сақтау үшін жаңадан құрылатын табиғи резерваттың атауы бойынша ұсыныстар ​​​​​​​жинау

Мемлекет басшысы 2022 жылғы 19 қарашада Каспий итбалығының популяциясын сақтау үшін резерват құруды жеделдетуді тапсырды.

​ Осыған байланысты ағымдағы жылы Атырау және Маңғыстау облыстарының су аумағы шегінде Каспий теңізінің cолтүстік бөлігінің акваториясында мемлекеттік табиғи резерват құрылатын болады.

​ ҚР АШМ Балық шаруашылығы комитеті Каспий итбалығының популяциясын сақтау үшін жаңадан құрылатын мемлекеттік табиғи резерваттың атауы бойынша барлық мүдделі тұлғалардан ұсыныстар күтеді.

​ Бұл ретте МТР-тың ұсынылған атаулары оның орналасқан өңірімен, қорғау объектісімен, тарихи тұлғалардың аттарымен тақырыптық байланысты болғаны жөн.

​ Осы ұсыныстарды 2024 жылғы 7 наурыздан кешіктірмей осы хабарландыруға ескуертулерде МТР атауының мәтінін мемлекеттік және орыс тілдерінде орналастыру арқылы енгізу қажет.

​ Сіздің белсенді өмірлік ұстанымыңызбен қазіргі және болашақ ұрпақтың мүддесі үшін табиғи ресурстарды сақтауға қосқан үлесіңіз үшін алдын ала алғысымызды білдіреміз.

Барлық сұрақтар бойынша

8 (7172) 74-12-56

8 (7172) 74-10-17

телефон арқылы хабарласыңыз