Бұқтырма су қоймасының резервтік учаскелерін бекіту жөніндегі конкурсты қайта өткізу туралы

Қазақстан Республикасы Экология және табиғи ресурстар министрлігінің Балық шаруашылығы комитеті 2023 жылғы 20 шілдесінде сағат 10.00-де (Астана уақыты бойынша) Бұқтырма суқоймасының резервтік учаскесін бекіту бойынша конкурс өтетінін хабарлайды.

Конкурс ҚР АШМ 2015 жылғы 19 наурыздағы № 18-04/425 бұйрығымен бекітілген балық шаруашылығы су айдындарын және (немесе) учаскелерін бекіту жөніндегі конкурсты өткізу қағидаларына (бұдан әрі - қағидалар) сәйкес өткізілетін болады.

Кәсіптік балық аулауды жүргізу үшін Бұқтырма суқоймасының келесі учаскелері қойылады :

1) № 14.1;

2) № 16.1;

3) № 19.1.

Конкурсқа қатысушының кепілдік жарнасы - 15 525 теңге.

Учаскелердің бастапқы бағасы - 103 500 теңге.

Конкурсқа шығарылатын учаскелер 20 жыл мерзімге тор қоршамада балық өсіру шаруашылығын жүргізу мақсатында бекітілетін болады.

Конкурсқа қатысу үшін алдымен веб-порталда келесі ақпараттарды көрсете отырып тіркелу қажет (www.gosreestr.kz):

1) жеке тұлғалар үшін: жеке сәйкестендіру нөмірі, тегі, аты және әкесінің аты (бар болса);

2) заңды тұлғалар үшін: бизнес-сәйкестендіру нөмірі, заңды тұлғаның толық атауы, Бірінші басшының тегі, аты және әкесінің аты (бар болса);

3) кепілдік жарнаны қайтару үшін екінші деңгейдегі банктегі есеп айырысу шотының деректемелері;

4) байланыс деректері (заңды мекенжайы, телефоны, факсы, e-mail).

Өтінім Қағидалардың 2-қосымшасына сәйкес толтырылады.

Сондай-ақ қатысушы не қатысушының атынан кез келген жеке немесе заңды тұлға бірыңғай оператордың шотына конкурс өткізу туралы хабарламада көрсетілген мөлшерде және мерзімдерде кепілдік жарна енгізеді.

Шарбақтық балық өсіру шаруашылығын жүргізу мақсатында балық шаруашылығы су айдындарын және (немесе) учаскелерін бекіту жөніндегі конкурсқа қатысушыларға қойылатын біліктілік талаптары:

• салық төлеушінің салық берешегінің, міндетті зейнетақы жарналары мен әлеуметтік аударымдар бойынша берешегінің болмауы;

• конкурсқа қатысушының банк, филиал немесе банк бөлімшесі алдындағы міндеттемелерінің барлық түрлері бойынша мерзімі өткен берешегінің болмауы;

• тауарлық балық өсіруді жоспарлау кезінде даму жоспарларында бекітілген көлемдерден жоғары, балық шаруашылығы су айдыны және (учаскесі) үшін конкурсқа қатысушы ұсынған түпкілікті бағаға әрбір 10 тонна үшін ұсынылған бағаны 1%-ға ұлғайту көзделеді.

Қатысушыларды қабылдау және тіркеу 2023 жылғы 4 шілде мен 20 шілде аралығында сағат 10.00-ге дейін (Астана қ. уақыты бойынша) жүзеге асырылады.

Анықтама телефондары:

8 (7172) 74-02-98, 8 (702) 626 32 56,

8 (7172) 74-10-49, 8 (747) 682 38 58,

8 (7232) 24-34-77, 8 (771) 179 70 62