2021 жылғы қыркүйекте Қазақстан мен Ресейдің XVII өңіраралық ынтымақтастық форумы барысында Қазақстан Республикасының Президенті каспий итбалықтарының популяциясын сақтау үшін Солтүстік Каспийде мемлекеттік табиғи резерват құру мүмкіндігін пысықтауды тапсырды.
Бүгінгі таңда уәкілетті орган ведомствосының бұйрығымен мемлекеттік табиғи резерват құрудың жаратылыстану-ғылыми негіздемесі бекітілді.
Жаратылыстану-ғылыми негіздеменің негізінде қазіргі уақытта мемлекеттік табиғи резерват құрудың техникалық-экономикалық негіздемесін әзірлеу бойынша жұмыстар жүргізілуде, оған 2023 жылғы республикалық бюджетті нақтылау шеңберінде қаражат бөлінді. Қазіргі уақытта мемлекеттік сатып алу порталында техникалық-экономикалық негіздемені әзірлеу бойынша өнім берушіні айқындау бойынша конкурс жарияланды.
Каспий теңізінің акваториясы шегінде жүргізілген іс-шаралардың нәтижелері бойынша тиісті штат саны бар дербес заңды тұлға ретінде каспий итбалығының популяциясын сақтау үшін мемлекеттік табиғи резерват құру күтілуде.
