БАЛЫҚ АУЛАУҒА ТЫЙЫМ САЛЫНҒАН АЙМАҚТА ЗАҢСЫЗ БАЛЫҚ АУЛАҒАНДАР АНЫҚТАЛДЫ

2023 жылдың 30 қаңтарда сағат 18:57 шамасында Зайсан-Ертіс облысаралық бассейндік балық шаруашылығы инспекциясы Көкпекті балық инспекция қызметкерлері және Тарбағатай табиғат қорғау полиция бөлімінің қызметкерлерімен бірлескен рейдттік іс-шара барысында, Зайсан көлі жыл көлемінде балық аулауға тыйым салынған солтүстік-батыс аймағының «Қарақас» телімінде пайдалануға тыйым салынған балық аулау құралдарын пайдалана отырып, балық ресурстарын аулаған Абай облысы, Көкпекті ауданы, Тассай ауылының тұрғындары ұсталды.

Тексеру барысында 3 дана ұзындығы-300 м синтетикалық моножіптен жасалған ау және жалпы салмағы 181,6 кг. балық ( көксерке-56,6 кг., табан-92,4 кг., шортан-28,8 кг., алабұға-3,8 кг.) анықталды.

Табиғатқа келтірілген залал-773.662,5 теңгені құрайды.

Аталған дерек бойынша, ҚР ҚК 335 б. 3 т. 6 тармақшасымен қылмыстық іс қозғалды.

Айта кетейік, ҚР Қылмыстық кодексінің 335-бабына сәйкес, балық ресурстарын және басқа да су жануарларын заңсыз аулауғаны үшін үш мың айлық есептік көрсеткішке дейінгі мөлшерде айыппұл не сегіз жүз сағатқа дейінгі мерзімге қоғамдық жұмыстарға тарту не үш жылға дейінгі мерзімге бас бостандығын шектеуге не сол мерзімге бас бостандығынан айыруға дейін жазаланады, мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан бес жылға дейінгі мерзімге айырылады.