PVS бағалау бойынша ДЖДҰ сарапшыларымен миссияны өткізу туралы ақпарат

     Қазақстан Республикасының Үкіметі 2021 жылғы сәуірде балық шаруашылығын дамытудың 2021-2030 жылдарға арналған Бағдарламасын бекітті, оның негізгі мақсаты балық өсіру көлемін ұлғайту, сондай-ақ балық өнімінің ішкі тұтыну және экспорты көлемін ұлғайту болып табылады.

Алайда, балық өсіру кезінде проблемалардың бірі Ветеринарлық қауіпсіздік болып табылады, өйткені балық отырғызу материалының кейбір түрлері (ұрықтандырылған уылдырық) және балық тағамдары импортталады және сонымен бірге әртүрлі балық ауруларын әкелу қаупі жоғары.

 

     Осыған байланысты, ҚР Экология, геология және табиғи ресурстар министрлігінің бастамасымен, ҚР Ауыл шаруашылығы министрлігінің жәрдемдесуімен және Дүниежүзілік жануарлар денсаулығы ұйымының (ДЖДҰ) қолдауымен ДЖДҰ халықаралық сарапшылары Қазақстанның су жануарларының ветеринариясы мен денсаулығын қорғауды бағалауды ұйымдастырды.

 

     ДЖДҰ сарапшылары Алматы және Шығыс Қазақстан облыстарының балық өсіру шаруашылықтарына, Балқаш-Алакөл және Зайсан-Ертіс облысаралық балық шаруашылығы бассейндік инспекцияларына, Балық шаруашылығының ғылыми-өндірістік орталығына, ветеринариялық зертханаларға, аграрлық жоғары оқу орындарына барды, сондай-ақ ветеринария қызметін бағалау мақсатында ветеринария және су жануарларының денсаулығын қорғау саласындағы негізгі нормативтік-құқықтық актілермен танысты.

 

      ДЖДҰ сарапшылары бағалау нәтижелері бойынша су жануарлары бөлігіндегі ветеринариялық қызметтің жай-күйіне толық шолуды, оның тиімділігін бағалауды, күшті және әлсіз жақтарын анықтауды қамтитын ұсынымдар берілетін болады. Бұл ұсынымдар бірқатар дәлелденген құралдар мен әдістердің көмегімен су жануарларының денсаулығы саласындағы ветеринарлық қызмет жүйесін жетілдіруге мүмкіндік береді.