Құрметті балық шаруашылығы қоғамдық бірлестіктерінің өкілдері!
Балық шаруашылығы комитеті 2025 жылғы 6 маусымда Қазақстан Республикасы Экология, геология және табиғи ресурстар министрінің міндетін атқарушының 2020 жылғы 31 қаңтардағы № 28 бұйрығымен бекітілген Республикалық аңшылар мен аңшылық шаруашылығы субъектілері қоғамдық бірлестіктерінің қауымдастықтарын, сондай-ақ балық аулаушылар мен балық шаруашылығы субъектілерінің қоғамдық бірлестіктерін аккредиттеу қағидаларына сәйкес, балық шаруашылығы саласындағы қызметті жүзеге асыратын қоғамдық бірлестіктерді аккредиттеу өткізілетінін хабарлайды.
Аккредитациялауды өткізудің мақсаты – бірлестіктердің жануарлар дүниесін қорғау, өсімін молайту және пайдалану саласындағы қолданыстағы заңнаманың талаптарына сәйкестігін растау, сондай-ақ мемлекеттік органдармен өзара іс-қимылдың тиімділігін және балық шаруашылығының тұрақты дамуын арттыру.
Өтінімдер мен құжаттарды берудің соңғы мерзімі – 2025 жылғы 5 маусым.
Балық шаруашылығы комитеті барлық мүдделі бірлестіктерді аккредитациядан өтуге шақырады!