ЭТРМ ҚР Цифрлық даму, инновациялар және аэроғарыш өнеркәсібі министрлігімен (ЦДИАӨМ) бірлесіп ақпараттандырудың сервистік моделі арқылы балық пен балық өнімдерін қадағалаудың ақпараттық жүйесін құру мәселесі пысықталуда.
Бұйрықтың тиісті жобасы әзірленіп, мүдделі мемлекеттік органдарға (ЦДИАӨМ және Әділет министрлігі) келісуге жіберілді.
Бұдан басқа, ақпараттандырудың сервистік моделін іске асыру қағидаларына сәйкес (ЦДИАӨМ-нің 2016 жылғы 28 қаңтардағы № 129 бұйрығы) сервистік модель бойынша ақпараттық жүйені құру үшін сервистік интегратор («Зерде «ҰХХ» АҚ) жүйені жобалауға тапсырма әзірлейді.
Бүгінгі таңда балық өнімдерін қадағалаудың ақпараттық жүйесін жеткізуші («Airweb» ЖШС) балық және балық өнімдерін қадағалаудың ақпараттық жүйесінің жобасын әзірлеуді аяқтады.
2023 жылғы 22 тамызда ақпараттық жүйе "Ұлттық ақпараттық технологиялар" АҚ-да пайдаланушыларды қамту бойынша ең жоғары жүктеме жағдайында іркіліссіз жұмысқа қабілеттілікке және ақауларға төзімділікке тестілеуден сәтті өтті.
Сонымен қатар, ақпараттық жүйені жеткізуші мен ұлттық қауіпсіздік комитетінің мемлекеттік техникалық қызметі арасында 2023 жылғы 19 қыркүйекте ақпараттық қауіпсіздікке жүйені тексеру туралы тиісті шартқа қол қойылды.
Бұл ақпараттық жүйені 2024 жылдың бірінші тоқсанында пилоттық режимде енгізу жоспарлануда.