2025-2027 жылдарға арналған Ғабит Мүсірепов атындағы ауданының бюджетін бекіту туралы

2025-2027 жылдарға арналған

Ғабит Мүсірепов атындағы

ауданының бюджетін бекіту туралы

 

 

Қазақстан Республикасының Бюджет кодексінің 85-бабы 1-тармағының                                   3) тармақшасына, 91-бабына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабына  сәйкес, Солтүстік Қазақстан облысы Ғабит Мүсірепов атындағы ауданының мәслихаты ШЕШІМ ҚАБЫЛДАДЫ:

1. 2025-2027 жылдарға арналған Ғабит Мүсірепов атындағы ауданының бюджеті тиісінше осы шешімнің 1, 2, 3, 4, 5, 6 және 7-қосымшаларына сәйкес, соның ішінде 2025 жылға келесі көлемдерде бекітілсін:

1) кірістер – 8 884 062,9 мың теңге:

салықтық түсімдер – 2 379 851 мың теңге;

салықтық емес түсімдер – 27 923 мың теңге;

негізгі капиталды сатудан түсетін түсімдер – 51 862 мың теңге;

трансферттер түсімі  – 6 424 426,9 мың теңге;

2) шығындар – 9 258 604,8 мың теңге;

3) таза бюджеттік кредиттеу – 21 857 мың теңге:

бюджеттік кредиттер – 121 892 мың теңге;

бюджеттік кредиттерді өтеу – 100 035 мың теңге;

4) қаржы активтерімен операциялар бойынша сальдо – 0:

қаржы активтерін сатып алу – 0;

мемлекеттің қаржы активтерін сатудан түсетін түсімдер – 0;

5) бюджет тапшылығы (профициті) –  - 396 398,9 мың теңге;

6) бюджет тапшылығын қаржыландыру (профицитін пайдалану) –                  396 398,9 мың теңге:

қарыздар түсімі – 521 892 мың теңге;

қарыздарды өтеу – 176 668 мың теңге;

бюджет қаражатының пайдаланылатын қалдықтары – 51 174,9 мың теңге.

2. 2025 жылға арналған аудандық бюджеттің кірістері Қазақстан Республикасының Бюджет кодексіне сәйкес мынадай салықтық түсімдер есебінен қалыптастырылатыны белгіленсін:

1) бюджеттi атқару жөнiндегi орталық уәкілетті органмен бірлесіп мемлекеттiк жоспарлау жөнiндегi орталық уәкілетті орган бекітетін тізбе бойынша ірі кәсіпкерлік субъектілерінен түсетін түсімдерді және мұнай секторы ұйымдарынан түсетін түсімдерді қоспағанда, келіп түскен салықтық аударымдардың кемінде елу пайызы мөлшерінде облыстық мәслихат белгілеген кірістерді бөлу нормативтері бойынша корпоративтік табыс салығы;

2) облыстық мәслихат белгілеген кірістерді бөлу нормативтері бойынша әлеуметтік салық;

3) аудандық маңызы бар қаланың, ауылдың, кенттің, ауылдық округтің аумағындағы осы салықты салу объектілері бойынша жеке тұлғалардың мүлкіне салынатын салықты қоспағанда, жеке және заңды тұлғалардың, дара кәсіпкерлердің мүлкіне салынатын салық;

4) бензинге (авиациялық бензинді қоспағанда) және дизель отынына акциздер;

5) аудандық маңызы бар қала, ауыл, кент аумағындағы жер учаскелерін қоспағанда, жер учаскелерін пайдаланғаны үшін төлемақы;

6) қызметтің жекелеген түрлерімен айналысу құқығы үшін лицензиялық алым (жекелеген қызмет түрлерімен айналысуға арналған лицензияларды бергені үшін алым);

7) қызметтің жекелеген түрлерiмен айналысуға лицензияларды пайдаланғаны үшін төлемақы;

8) республикалық бюджет есебіне жазылатын консулдық алымнан және мемлекеттік баждардан басқа, мемлекеттік баж.

3. 2025 жылға арналған аудандық бюджеттің кірістері мынадай салықтық емес түсімдер есебінен қалыптастырылатыны белгіленсін:

1) коммуналдық меншіктен түсетін кірістер:

аудандық маңызы бар қала, ауыл, кент, ауылдық округ әкімдерінің басқаруындағы, ауданның коммуналдық меншігінің мүлкін жалға беруден түсетін кірістерді қоспағанда, ауданның коммуналдық меншігінің мүлкін жалға беруден түсетін кірістер;

ауданның коммуналдық меншігінен түсетін басқа да кірістер;

2) жергілікті бюджетке түсетін басқа да салықтық емес түсімдер.

4. Аудандық бюджеттің кірістері негізгі капиталды сатудан түсетін түсімдер есебінен қалыптастырылатыны белгіленсін:

1) аудандық (облыстық маңызы бар қала) бюджеттен қаржыландырылатын, мемлекеттік мекемелерге бекітіп берілген мемлекеттік мүлікті сатудан түсетін ақша.

5. Аудандық бюджеттен берілген кредиттерді өтеуден, ауданның коммуналдық меншігіндегі мемлекеттің қаржы активтерін сатудан, ауданның жергілікті атқарушы органының қарыздарын өтеуден түсетін түсімдер аудандық бюджеттің есебіне жатқызылады.
6. Облыстық бюджеттен аудан бюджетіне табысталатын бюджеттік субвенция көлемі 897 504 мың теңгені құрайды.
7. 2025 жылға арналған аудан бюджетінде, 4-қосымшаға сәйкес, аудандық бюджеттен ауылдық округтердің бюджеттеріне берілетін субвенция көлемі 280 199 мың теңге сомасында қарастырылғаны ескерілсін.
8. 2025 жылға арналған аудандық бюджетінде Қазақстан Республикасының Ұлттық қорынан нысаналы трансферттерді түсімі ескерілсін.

Қазақстан Республикасының Ұлттық қорынан көрсетілген нысаналы трансферттерді бөлу «2025-2027 жылдарға арналған Ғабит Мүсірепов атындағы ауданының бюджетін бекіту туралы» Ғабит Мүсірепов атындағы аудан мәслихатының шешімін іске асыру туралы» Солтүстік Қазақстан облысы Ғабит Мүсірепов атындағы аудан әкімдігінің қаулысымен айқындалады.

9. 2025 жылға арналған аудандық бюджетте республикалық бюджеттен нысаналы трансферттер түсімі ескерілсін.

Республикалық бюджеттен көрсетілген нысаналы трансферттерді бөлу «2025-2027 жылдарға арналғанҒабит Мүсірепов атындағы ауданының бюджетін бекіту туралы» Ғабит Мүсірепов атындағы аудан мәслихатының шешімін іске асыру туралы» Солтүстік Қазақстан облысы Ғабит Мүсірепов атындағы аудан әкімдігінің қаулысымен айқындалады.

10. 2025 жылға арналған аудандық бюджетте облыстық бюджеттен нысаналы трансферттер түсімі ескерілсін.

Облыстық  бюджеттен көрсетілген нысаналы трансферттерді бөлу «2025-2027 жылдарға арналған Ғабит Мүсірепов атындағы ауданының бюджетін бекіту туралы» Ғабит Мүсірепов атындағы аудан мәслихатының шешімін іске асыру туралы» Солтүстік Қазақстан облысы Ғабит Мүсірепов атындағы аудан әкімдігінің қаулысымен айқындалады.

11. 2025 жылға арналған аудандық бюджетте мамандарды әлеуметтік қолдау шараларын іске асыру үшін республикалық бюджеттен берілетін бюджеттік кредиттер ескерілсін.
12. 2025 жылға арналған ауданның жергілікті атқарушы органының резерві 61 005 мың теңге сомасында бекітілсін.
13. 2025 жылға арналған аудандық бюджетте 7-қосымшаға сәйкес ауылдық округтердің бюджеттерінен 40 000 мың теңге сомасында трансферттер түсімі қарастырылсын.
14. 2025 жылға арналған аудандық бюджетті атқару процесінде 5-қосымшаға сәйкес жергілікті бюджеттік бағдарламалар секвестрлеуге жатпайды деп белгіленсін.
15. Жергілікті өзін-өзі басқару органдарына аудан бюджетінің қаражаты есебінен бөлінетін трансферттердің көлемі 6-қосымшаға сәйкес бекітілсін.
16. Ғабит Мүсірепов атындағы аудандық мәслихаттың келесі шешімдерінің күші жойылды деп танылсын:

1) Ғабит Мүсірепов атындағы аудандық мәслихаттың 2024 жылғы                       26 желтоқсандағы № 24-2 «Ғабит Мүсірепов атындағы ауданның                              2025-2027 жылдарға арналған бюджетін бекіту туралы» шешімі;

2) Ғабит Мүсірепов атындағы аудандық мәслихаттың 2025 жылғы                       14 наурыздағы № 27-1 «Ғабит Мүсірепов атындағы аудандық мәслихаттың       2024 жылғы 26 желтоқсандағы № 24-2 «2025-2027 жылдарға арналған Ғабит Мүсірепов атындағы ауданның бюджетін бекіту туралы» шешіміне өзгерістер енгізу туралы» шешімі.

17. Осы шешім 2025 жылғы 1 қаңтардан бастап қолданысқа енгізіледі.

 

 

Дата публикации

12 мая 2025