Явленка ауылы 2025 жылғы 26 маусым
сағат 11-00
Төрағалық етті: Нұрлан Мәнәпұлы Бимақанов - Қоғамдық кеңес төрағасының орынбасары.
Өткізу орны: Иманов,78А менкен-жайы бойынша орналасқан бөлім басшысының кабинеті.
Қатысқандар:
Қоғамдық кеңес мүшелері: Еділ Мейрамұлы Тұтқышев, Азамат Советұлы Некебаев, Нұржан Мұхтарұлы Октябрь, Біржан Төлеббергенұлы Қойшыбаев, Анна Викторовна Смоленская, Бахытгүл Сайранқызы Кенжеғалиева, Әлбина Айтмырзақызы Мәжікеева, Гүлнұр Маратқызы Ахметова.
Солтүстік Қазақстан облысы Есіл ауданы әкімдігінің жұмыспен қамту және әлеуметтік бағдарламалар бөлімінің мемлекеттік қызметкерлері (тізім бойынша)
КҮН ТӘРТІБІ:
«Солтүстік Қазақстан облысы Есіл ауданы әкімдігінің жұмыспен қамту және әлеуметтік бағдарламалар бөлімі» коммуналдық мемлекеттік мекемесінің сыбайлас жемқорлық тәуекелдерін ішкі талдау нәтижелерін жария талқылау туралы
ТЫҢДАЛДЫ:
«Солтүстік Қазақстан облысы Есіл ауданы әкімдігінің жұмыспен қамту және әлеуметтік бағдарламалар бөлімі» коммуналдық мемлекеттік мекемесінің сыбайлас жемқорлық тәуекелдерін ішкі талдау нәтижелерін жария талқылау туралы ақпарат
(Б.Ы.Бидалина – халықты жұмыспен қамтуды ұйымдастыру және әлеуметтік бағдарламалар секторының меңгерушісі)
Бөлімнің лауазымды адамдарының өз қалауы бойынша шешімдер қабылдауына ықпал ететін, жеке және заңды тұлғалардың өз құқықтары мен заңды мүдделерін іске асыру кезінде кедергілер жасауға ықпал ететін құқықтық актілерге, ішкі құжаттарға, ережелерге жүргізілген талдау нәтижелері бойынша нормативтік құқықтық актілерді, дискрециялық өкілеттіктер мен нормаларды өз бетінше түсіндіруге мүмкіндік туғызатын, сыбайлас жемқорлық құқық бұзушылықтар жасауға ықпал ететін құқықтық олқылықтар анықталған жоқ.
Мемлекеттік қызмет көрсетуге байланысты анықталған сыбайлас жемқорлық тәуекелдерінің саны (1 бірлік).
Әлеуметтік салада мемлекеттік қызметтер көрсетуді зерделеу кезінде, талдау барысында нормативтік құқықтық актілерде мемлекеттік қызмет көрсетуге ұсынылатын құжаттар бөлігінде, стандарттар нормаларының басқа нормативтік-құқықтық актілермен сәйкессіздігі анықталды.
Еңбекші көшіп келушілерге рұқсаттар беру, ұзарту және кері қайтарып алу:
Қазақстан Республикасы Еңбек және халықты әлеуметтік қорғау министрінің 2022 жылғы 15 сәуірдегі № 123 бұйрығымен бекітілген еңбекші көшіп келушілерге рұқсат беру, ұзарту және кері қайтарып алу қағидаларының 19-тармағына сәйкес, рұқсат көрсетілетін қызметті алушының рұқсатты беруге немесе ұзартуға арналған өтінішінде көрсетілген мерзімге беріледі және 1 (бір) айдан 12 (он екі) айға дейін болуы мүмкін.
Бұл ретте, көрсетілетін қызметті алушыдан талап етілетін құжаттар мен мәліметтер тізбесінде, Қазақстан Республикасы Денсаулық сақтау министрінің м.а. 2020 жылғы 30 қазандағы № ҚР ДСМ-175/2020 бұйрығымен бекітілген шетелдіктің, азаматтығы жоқ адамның, көшіп-қонушының, еңбекші-көшіп-қонушының (оның ішінде ЕАЭО-ға мүше мемлекеттен) денсаулық жағдайы туралы медициналық қорытынды № 028/у нысаны 3 (үш) ай мерзімге беріледі, бұл мүдделер қақтығысына әкеледі.
№ 028/у нысанының қолданылу мерзімі 3 ай болғандықтан, көші-қон қызметі 3 айдан артық рұқсат бермейді. Ережелер бойынша көрсетілетін қызметті алушылар рұқсатты беруге немесе оны 12 айға дейін ұзартуға өтініш бере алады.
Анықталған жасырын мемлекеттік қызметтер саны 1 бірлік:
Солтүстік Қазақстан облысы Есіл ауданы мәслихатының 2020 жылғы 19 мамырдағы № 50/322 «Солтүстік Қазақстан облысы Есіл ауданының ауылдық елдi мекендерінде тұратын және жұмыс істейтiн мемлекеттiк денсаулық сақтау, әлеуметтiк қамсыздандыру, білім беру, мәдениет, спорт және ветеринария ұйымдарының мамандарына бюджет қаражаты есебiнен коммуналдық көрсетілетін қызметтерге ақы төлеу және отын сатып алу бойынша әлеуметтік қолдау көрсету тәртібі мен мөлшерін бекіту туралы» шешіміне сәйкес Бөлім коммуналдық қызметтерге ақы төлеу және отын сатып алу бойынша әлеуметтік қолдау көрсетеді.
2024 жылы ауданның мемлекеттік ұйымдарының бірінші басшылары бекіткен тізімдер негізінде алушылардан өтініштер талап етілмей 1340 қызмет көрсетілді.
2020 жылдан бастап бұл қызмет мемлекеттік қызметтер Тізілімінен алынып тасталды.
Б.Ы.Бидалинаның сыбайлас жемқорлық тәуекелдеріне ішкі талдау жүргізу нәтижелері туралы ақпараты назарға алынды.
Қоғамдық талқылау нәтижелері бойынша «Солтүстік Қазақстан облысы Есіл ауданы әкімдігінің жұмыспен қамту және әлеуметтік бағдарламалар бөлімі» коммуналдық мемлекеттік мекемесіне ұсыныстар, ескертулер түскен жоқ.
Қоғамдық кеңес
төрағасының орынбасары Н.М.Бимақанов