Явленка ауылы 2024 жылғы 16 ақпан
сағат 11-00
Төрағалық етті: Қоғамдық кеңес төрайымы Ғалия Ағыбайқызы Аманжолова
Өткізу орны: Иманов,78А менкен-жайы бойынша орналасқан бөлім басшысының кабинеті.
Қатысқандар:
Қоғамдық кеңес мүшелері: Еділ Мейрамұлы Тұтқышев, Сәуле Мұратбекқызы Әбілмәжінова, Анна Викторовна Смоленская, Нұрболат Серікұлы Жаукенов, Динара Бербайқызы Бірлікова,.
Солтүстік Қазақстан облысы Есіл ауданы әкімдігінің жұмыспен қамту және әлеуметтік бағдарламалар бөлімінің мемлекеттік қызметкерлері (тізім бойынша)
КҮН ТӘРТІБІ:
«Солтүстік Қазақстан облысы Есіл ауданы әкімдігінің жұмыспен қамту және әлеуметтік бағдарламалар бөлімі» коммуналдық мемлекеттік мекемесінің сыбайлас жемқорлық тәуекелдерін ішкі талдау нәтижелерін жария талқылау туралы
ТЫҢДАЛДЫ:
«Солтүстік Қазақстан облысы Есіл ауданы әкімдігінің жұмыспен қамту және әлеуметтік бағдарламалар бөлімі» коммуналдық мемлекеттік мекемесінің сыбайлас жемқорлық тәуекелдерін ішкі талдау нәтижелерін жария талқылау туралы ақпарат
(Б.Ы.Бидалина – халықты жұмыспен қамтуды ұйымдастыру және әлеуметтік бағдарламалар секторының меңгерушісі)
Бөлімнің қызметіне қатысты нормативтік құқықтық актілерде сыбайлас жемқорлық тәуекелдеріне ішкі талдау жүргізу барысында «Солтүстік Қазақстан облысы Есіл ауданы әкімдігінің жұмыспен қамту және әлеуметтік бағдарламалар бөлімі» коммуналдық мемлекеттік мекемесі анықтаған сыбайлас жемқорлық тәуекелдері талқыланды.
Бөлім мамандары объектілерге барады, тиісті білімі, біліктілігі жоқ, осы мәселеде арнайы талаптарды білмей, қол жетімділігі бойынша сәйкестікті көзбен тексереді.
Бұл функция ережеде де, бөлімнің лауазымдық нұсқаулықтарында да бекітілмеген.
Анықтама: жеке көмекші – жүріп-тұруы қиын бірінші топтағы мүгедектігі бар адамды бірге алып жүру және объектілерге барған кезде көмек көрсету бойынша қызметтер көрсететін адам (Әлеуметтік кодексінің 1-бабының 55)-тармақшасы).
«Жүріп-тұруы қиын бірінші топтағы мүгедектігі бар адамдарды жеке көмекшінің қызметімен қамтамасыз етуге құжаттарды ресімдеу» мемлекеттік қызмет көрсетуді реттейтін нормативтік құқықтық актілерде жеке көмекшінің қызметін бақылау мәселелері реттелмеген.
Мүгедектігі бар адамды абилитациялау мен оңалтудың жеке бағдарламасына сәйкес жүріп-тұруы қиын бірінші топтағы мүгедектігі бар адамдар үшін жеке көмекшінің қызметтерін ұсыну қағидаларының 41 және 43-тармақтарында жеке көмекшінің қызметтеріне ақы төлеуді жұмыспен қамту бөлімдері орындалған жұмыстардың (көрсетілген қызметтердің) актісі негізінде, есепті кезеңнен кейінгі айдың 10-күнінен кешіктірмей жүргізеді.
Іс жүзінде мүгедектігі бар адамдарға жеке көмекшінің жалған қызмет көрсету фактілері жиі кездеседі.
Бұл факт жеке көмекшінің міндеттерін орындауын бақылауды жүзеге асыруға қатысты заңнамадағы олқылық түріндегі сыбайлас жемқорлық тәуекелінің бар екендігін куәландырады.
«Квотаны облыстардың, республикалық, Астана қалаларының жергілікті атқарушы органдары қызметкерлердің тізімдік саны бар ұйымдарға белгілейді:
елуден жүз адамға дейін – қызметкерлердің тізімдік санының екі пайызы мөлшерінде;
жүз бір адамнан екі жүз елу адамға дейін – қызметкерлердің тізімдік санының үш пайызы мөлшерінде;
екі жүз елу бір адамнан астам – қызметкерлердің тізімдік санының төрт пайызы мөлшерінде.»
Бұл ретте, ауданның елді мекендерінде жұмыскерлер саны 50 адамнан асатын кәсіпорындар іс жүзінде жоқ, бұл өте ыңғайсыз фактор болып табылады, өйткені саны 50 адамнан аз бос жұмыс орындары бар және мүгедектігі бар адамдарды жұмысқа орналастыруға келісетін кәсіпорындарға жоғарыда көрсетілген Қағидаларға сәйкес жұмыс орындарының квотасын белгілеу мүмкін емес.
Мемлекеттік қызметтер саласындағы нормативтік құқықтық актілердегі сыбайлас жемқорлық тәуекелдеріне ішкі талдау жүргізу барысында анықталған 4 бірлік сыбайлас жемқорлық тәуекелдері талқыланды.
Қазақстан Республикасы Еңбек және халықты әлеуметтік қорғау министрінің 2022 жылғы 28 ақпандағы № 78 «Ақталған адамға куәлік беру қағидаларын және ақталған адам куәлігінің үлгісін бекіту туралы» бұйрығымен бекітілген ақталған адамға куәлік беру қағидаларында, құжаттар тізбесінде өтініш берушіге 3х4 сантиметр көлеміндегі фотосуретті ұсыну көрсетілмеген, алайда ақталған адам куәлігінің үлгісінде фотосуретке арналған орын көзделген.
2.Жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау мемлекеттік қызметі
Қазақстан Республикасы Еңбек және халықты әлеуметтік қорғау министрінің 2021 жылғы 25 наурыздағы № 84 «Әлеуметтік-еңбек саласында мемлекеттік қызметтерді көрсетудің кейбір мәселелері туралы» бұйрығымен бекітілген «Жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау» мемлекеттік қызметін көрсету қағидаларына сәйкес, өтінішті қабылдау және мемлекеттік қызметті көрсету нәтижесін беру:
көрсетілетін қызметті беруші, ауылдық округ әкімі, «электрондық үкімет» веб-порталы (бұдан әрі – портал) арқылы жүзеге асырады.
Мемлекеттік қызмет көрсету нысаны: электрондық (ішінара автоматтандырылған) және қағаз түрінде.
Алайда, бүгінгі таңда бұл мемлекеттік қызмет тек қағаз түрінде көрсетіледі, портал арқылы өтініш беру мүмкін емес, өйткені қызмет барлық уақытта қол жетімді емес.
Тәуекел атауы: құжаттарды ұсыну бөлігінде НҚА-да қайшылықтар бар.
Тәуекелдің сипаттамасы: Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 22 маусымдағы № 230 бұйрығымен бекітілген арнаулы әлеуметтік қызметтер көрсететін ұйымдар қызметінің қағидаларының (бұдан әрі-Қағидалар) 28-тармағының 2) тармақшасына сәйкес, қызмет алушылардың жеке ісінде сақталатын құжаттар тізбесінде «он сегіз жастан асқан адамдар үшін – соттың адамды әрекетке қабілетсіз деп тануы туралы шешімінің көшірмесі (бар болса)» тармақ бар, бірақ Қазақстан Республикасы Еңбек және халықты әлеуметтік қорғау министрінің 2020 жылғы 28 мамырдағы № 197 «Арнаулы әлеуметтік қызметтерді көрсету саласындағы мемлекеттік қызметтер көрсету қағидаларын бекіту туралы» (бұдан әрі-мемлекеттік қызметтер көрсету қағидалары) бұйрығымен бекітілген «Үйде күтім көрсету жағдайында арнаулы әлеуметтік қызмет көрсетуге құжаттар ресімдеу» мемлекеттiк қызмет көрсету қағидаларында
мемлекеттік қызметті көрсету үшін, көрсетілетін қызметті алушыдан талап етілетін құжаттар мен мәліметтер тізбесінде бұл құжат қажет емес, сондай ақ Мемлекеттік қызмет көрсету қағидаларына сәйкес «балалар үшін-психологиялық- медициналық- педагогикалық консультация қорытындысының көшірмесі» талап етіледі, алайда қызмет алушылардың жеке ісінде сақталатын құжаттар тізімінде бұл құжат жоқ.
Бөлім «Әрекетке қабілетсіз немесе әрекет қабілеті шектеулі кәмелетке толған адамдарға қорғаншылық пен қамқоршылық белгілеу» жасырын қызметін көрсетеді.
«Неке (ерлі-зайыптылық) және отбасы туралы» Қазақстан Республикасы Кодексінің 121-бабына сәйкес адамға қорғаншылықты немесе қамқоршылықты немесе мүлікке қорғаншылықты белгiлеу қажеттiгi туралы тиiстi органдарға белгiлi болған кезден бастап жиырма жұмыс күні iшiнде қорғаншылық немесе қамқоршылық белгiленедi.
Қазақстан Республикасы Үкіметінің 2012 жылғы 30 наурыздағы № 382 қаулысымен бекітілген мемлекеттік қорғаншылық және қамқоршылық жөніндегі функцияларын жүзеге асыру қағидаларының (бұдан әрі-Қағидалар) 6-тармағына сәйкес, аудандардың, облыстық, республикалық маңызы бар қалалардың, астананың жергілікті атқарушы органдары мемлекеттiң кәмелетке толмағандарға қатысты қорғаншылық және қамқоршылық жөніндегі функцияларын білім беру мен денсаулық сақтаудың уәкілетті органдары, кәмелетке толғандарға қатысты – халықты әлеуметтiк қорғаудың уәкілетті органдары жүзеге асырады.
Сонымен қатар, Қағидаларда әрекетке қабілетсіз кәмелетке толғандарға қатысты әлеуметтік қорғаудың уәкілетті органының функциясы жоқ, өйткені Қағидалардың 7-тармағының 9) тармақшасында ғана әрекетке қабілетсіз кәмелетке толғандарға қатысты іс-әрекеттер көрсетілген, кәмелетке толмағандар мен кәмелетке толғандардың мүліктік және жеке мүліктік емес құқықтарын, мүдделерін қорғау үшін Қазақстан Республикасының заңнамасында көзделген өзге де әрекеттерді жүзеге асырады.
Кәмелетке толған әрекетке қабілетсіз адамдармен жұмыс істеу стандарты, Халықты әлеуметтік қорғау органының кәмелетке толған әрекетке қабілетсіз адамдардың құқықтарын қорғау жөніндегі іс-әрекеті жоқ.
Б.Ы.Бидалинаның сыбайлас жемқорлық тәуекелдеріне ішкі талдау жүргізу нәтижелері туралы ақпараты назарға алынды.
Қоғамдық талқылау нәтижелері бойынша «Солтүстік Қазақстан облысы Есіл ауданы әкімдігінің жұмыспен қамту және әлеуметтік бағдарламалар бөлімі» коммуналдық мемлекеттік мекемесіне ұсыныстар, ескертулер түскен жоқ.
Қоғамдық кеңес
төрайымы Ғ.Аманжолова