2026 жылғы жазғы сауықтыру маусымына дайындық аясында Есіл ауданындағы «Родник» лагерінде ағымдағы жөндеу жұмыстары жүргізілуде. «Родник» лагері 1972 жылы салынған, жобалық қуаттылығы – 103 орын.
Бүгінгі күні лагерьде келесі жөндеу жұмыстары жүргізілуде:
- клуб ғимаратына ағымдағы жөндеу жұмыстары (еденді ауыстыру, әрлеу жұмыстары, қасбетті қаптау, есік блоктарын ауыстыру). Мердігер ұйым – «Интеграл-Север» ЖШС. Келісімшарт сомасы - 11 595,2 мың теңге. Жұмыстарды орындау мерзімі - 2026 жылғы 1 сәуірден 15 мамырға дейін. Нысанда 5 адам жұмыс істеуде;
- лагерьдің медициналық пункт ғимаратына ағымдағы жөндеу жұмыстары (қасбетті металл сайдингпен қаптау, есік блоктарын ауыстыру). Мердігер ұйым – «Вектор СК» ЖШС. Келісімшарт сомасы – 1 120 мың теңге. Жұмыстарды орындау мерзімі - 2026 жылғы 1 сәуірден 30 сәуірге дейін. Нысанда 4 адам жұмыс істеуде;
- ПВХ терезе блоктарын дайындау және орнату жұмыстары. Мердігер ұйым – «Окна Канцлер» ЖШС. Келісімшарт сомасы - 2 508,5 мың теңге. Жұмыстарды орындау мерзімі - 2026 жылғы 23 сәуірден 9 мамырға дейін. Нысанда 4 адам жұмыс істеуде.
Барлық жөндеу жұмыстары балалардың жазғы демалысын, сауықтырылуын және бос уақытын ұйымдастыру үшін қауіпсіз әрі қолайлы жағдай жасау мақсатында жоспарлы түрде жүргізілуде.