ТМД елдерінің жоғары аудит органдары жүргізілетін тексерулердің тиімділігін арттыру бойынша жаңа жобаларды талқылады

Қазақстанның Жоғары аудиторлық палатасы ТМД елдері үшін мемлекеттік аудит және қаржылық бақылау стандарттарын әзірлеу жөніндегі жұмыс тобының ХХIV отырысын ұйымдастырып, оны бейнеконференцбайланыс режимінде өткізді.

Іс-шараға Әзербайжан, Армения, Беларусь, Қырғызстан, Ресей және Тәжікстан жоғары аудит органдарының (ЖАО) мамандары қатысты.

Кейбір ТМД мемлекеттерінің елдік жобалары қарауға ұсынылды:

– ТМД елдерінде орнықты даму мақсаттарына қол жеткізуге бағытталған мемлекеттік шараларды іске асыру аудитінің негізгі қағидаттары (әзірлеуші – Ресей ЖАО);

– ТМД мемлекеттерінің ЖАО қызметін стратегиялық басқаруды ұйымдастыру бойынша практикалық ұсынымдар (әзірлеуші – Әзербайжан ЖАО);

– ТМД елдері жоғары аудит органдарының шоғырландырылған ақпарат аудиті бойынша әдістемелік ұсынымдар (әзірлеуші – Беларусь ЖАО).

Қатысушылар ҚР Жоғары аудиторлық палатасы қалыптастырған Жұмыс тобының 2025 жылға арналған жоспарының жобасын да талқылады. Бұл жоспарда екі үлкен отырыс және басқа да іс-шаралар көзделген. Енгізілген түзетулер ескеріле отырып жоспар мақұлданды.

Барлық қаралған жобалар бойынша әзірлеушілерге ескертулер мен ұсыныстар жіберілді. Пысықталғаннан кейін бұл құжаттар ТМД елдерінің ЖАО жұмыс тобының талқылауына қайта ұсынылуға тиіс.