Қарағанды облысын дамытудың 2021 – 2025 жылдарға арналған бағдарламасына АЭА-ның нысаналы индикаторлары енгізілді

Республикалық бюджеттің атқарылуын бақылау жөніндегі есеп комитеті 2021 жылғы маусымда арнайы экономикалық аймақтар (бұдан әрі – АЭА) қызметінің тиімділігіне мемлекеттік аудит жүргізді.

Аудит барысында  Аумақтарды дамытудың 2016 – 2020 жылдарға арналған бағдарламаларында өңірді әлеуметтік-экономикалық дамытуға АЭА-ның әсерін сипаттайтын сандық және сапалық көрсеткіштер қамтылмағаны анықталды, бұл АЭА қызметі мен дамуынан түскен үлесті айқындауға мүмкіндік бермейді.

Осыған байланысты, Қарағанды облысының әкіміне өңірді әлеуметтік-экономикалық дамытуға бағытталған «Сарыарқа» АЭА-ның даму көрсеткіштерін қамту бөлігінде Қарағанды облысын дамытудың бағдарламасына өзгерістер мен толықтырулар енгізу мәселесін қарау бойынша шаралар қабылдау тапсырылды.

Есеп комитетінің тапсырмасын орындау үшін Қарағанды облысының мәслихатының 2021 жылғы 9 желтоқсандағы IХ сессиясының шешімімен  «Өндіріс, сауда, және логистика – экономика орнықтылығының үштігі» бағыты бойынша «Сарыарқа» АЭА-ның аумағында жобаларды іске асыру шеңберінде негізгі капиталға инвестицияларды тарту» нысаналы индикаторын көздейтін Қарағанды облысын дамытудың 2021 – 2025 жылдарға арналған бағдарламасы бекітілді.

 

Есеп комитетінің баспасөз қызметі