ҚР Қаржы министрлігінің Мемлекеттік кірістер комитеті мемлекеттік аудит барысында анықталған бұзушылықтар мен кемшіліктерді жою бойынша шаралар қабылдады

2021 жылғы маусымда Республикалық бюджеттің атқарылуын бақылау жөніндегі есеп комитеті «Тау-Кен Самұрық» ұлттық тау-кен компаниясы» АҚ-ның активтерін басқару тиімділігіне мемлекеттік аудит жүргізді.

Мемлекеттік аудит барысында есепке жатқызылуға тиіс ҚҚС-тің есептелген салық сомасынан асыру фактілері анықталды.

Осыған байланысты, Қазақстан Республикасының Мемлекеттік кірістер комитетіне 2021 жылғы 6 желтоқсан мерзіміне дейін тауардың қосылған құнын арттыру және есепке жатқызылуға тиіс ҚҚС-тің сомасын арттыруды ұлғайту, «Алтыналмас Сауда үйі» ЖШС атына сату бойынша айналымды төмендету арқылы «Алтыналмас «АК» АҚ салық міндеттемелерін оңтайландыру заңдылығы мәселесі бойынша «Алтыналмас Сауда үйі» ЖШС-тің салық міндеттемелерін толық орындауға салықтық тексеру жүргізу тапсырылды.  

Есеп комитетінің тапсырмасын орындау үшін «Алтыналмас Сауда үйі» ЖШС-не қатысты 01.01.2018 жылдан 31.12.2020 жылға дейінгі кезең аралығында КТС және ҚҚС бойынша тақырыптық салықтық тексеру жүргізілді, оның нәтижесінде  жалпы 338 550 теңге сомасына салық қоса есептілді және 1 618 750 теңге мөлшерінде КТС бойынша шығын азайтылды.

Есеп комитетінің баспасөз қызметі