Автожолдың асфальтбетон жабынының ақауларын қалпына келтіру жұмыстары орындалды

2021 жылғы ақпанда Республикалық бюджеттің атқарылуын бақылау жөніндегі есеп комитеті «Қазатомөнеркәсіп» ұлттық атом компаниясы» АҚ және оның еншілес ұйымдары активтерінің басқарылу тиімділігіне мемлекеттік аудит жүргізді.

Аудит барысында «Сауда-көлік компаниясы» ЖШС ұзындығы 4 км №13 технологиялық жол учаскесінде автомобиль жолын реконструкциялау кезінде 9 млн. теңге сомасына асфальтбетон жабынының ақауларын қалпына келтіру жұмыстарын жүргізуді қамтамасыз етпегені анықталды.

Осыған байланысты Есеп комитеті бұзушылықтарды жою бойынша шаралар қабылдауды тапсырды.

Кепілдік міндеттемелерге сәйкес, «Тараз-көлік жолы» ЖШС асфальтбетон жабынының ақауларын қалпына келтіру жұмыстарын толық көлемде орындады. 

Есеп комитетінің баспасөз қызметі