Агроөнеркәсіптік кешен субъектілерін мемлекеттік қолдау құралдарын жетілдіру және оларға кредит берудің ашықтығын қамтамасыз ету

Республикалық бюджеттің атқарылуын бақылау жөніндегі есеп комитеті 2020 жылғы желтоқсанда Қазақстан Республикасының агроөнеркәсіптік кешенін дамытудың 2017-2021 жылдарға арналған мемлекеттік бағдарламасының іске асырылу тиімділігіне, сондай-ақ дағдарысқа қарсы шараларға бағытталған қаражаттың пайдаланылу тиімділігіне аралық бағалау жүргізді.

Осы аудиторлық іс-шараның қорытындылары бойынша Жоғары мемлекеттік аудит органының еліміздің Үкіметіне жолданған  тиісті ұсынымдарын орындау үшін бүгінгі күні «Кең Дала» салалық бағдарламасына өсімдік шаруашылығы өнімдерін сатып алуды жүзеге асыру арқылы агроөнеркәсіптік кешен субъектілерін одан әрі қаржыландыру үшін ауыл шаруашылығы өнімдерін қайта өңдеушілер енгізілді.

Сонымен қатар, қарыз алушылардан қарыз алушыға, уәкілетті мемлекеттік органдарға, сондай-ақ «Бәйтерек» ҰБХ» АҚ, «Аграрлық несие корпорациясы» АҚ және «Атамекен» ҰКП қатысты барлық мәліметтерді ашуға оларды несиелеу кезеңінде келісім шаблонына толықтырулар бекітілді.