ХАБАРЛАНДЫРУ

Мемлекеттік аудиторды сертификаттау (бұдан әрі – сертификаттау) – білімін растау және Мемлекеттік аудитор біліктілігін иеленуге үміткерлерді сертификаттау жөніндегі ұлттық комиссияда (бұдан әрі – Ұлттық комиссия) өтетін әңгімелесу арқылы кандидатқа тиісті деңгейдегі мемлекеттік аудитор біліктілігін беру рәсімі.

Сертификаттау мына кезеңдерді қамтиды:

1) кандидаттың білімін растау;

2) кандидаттың Ұлттық комиссияда әңгімелесуі («Мемлекеттік аудитор сертификатын беру» мемлекеттік қызметі).

СЕРТИФИКАТТАУДЫҢ БІРІНШІ КЕЗЕҢІ

Сертификаттау қағидаларының (бұдан әрі – Қағидалар) 5-тармағына сәйкес, «Мемлекеттік сатып алу туралы» Заң бойынша айқындалған оқыту ұйымдары мемлекеттік аудитор біліктілігін беру үшін үміткерлерді оқыту бойынша қызмет көрсетеді.

Сертификаттау пәндері бойынша үміткерлерді «Зерттеулер, талдау және тиімділікті бағалау орталығы» ЖШС және «Қаржы академия» ЖШС оқытады.

Білімді растау «Зерттеулер, талдау және тиімділікті бағалау орталығы» ЖШС базасында компьютерлік техниканы пайдалана отырып, біліктілік емтихандарын тапсыру жолымен жүргізіледі.

Қағидалардың 12-тармағына сәйкес үміткер мына пәндер бойынша біліктілік емтиханын тапсырады:

• бухгалтерлік есеп және қаржылық есептілік;
• мемлекеттік аудит және қаржылық бақылау;
• бюджет, салық заңнамасы және өзге де заңнама.

СЕРТИФИКАТТАУДЫҢ ЕКІНШІ КЕЗЕҢІ

«Мемлекеттік аудитор сертификатын беру» мемлекеттік қызметі (бұдан әрі – мемлекеттік қызмет) сертификаттаудың екінші кезеңінен, яғни Ұлттық комиссиядағы әңгімелесуден бастап көрсетіледі.

Мемлекеттік қызметті алу үшін үміткер Қағидаларға сәйкес құжаттарды «цифрлық үкіметтің» веб-порталындағы жеке кабинеті арқылы тапсырады.

Құжаттарды тапсыру жөніндегі видео және мәтін түріндегі нұсқаулықтармен төмендегі сілтемелер арқылы танысуға болады.

Құжаттарды тапсыру жөніндегі нұсқаулық

Видео нұсқаулық 

"Госаудит: сертификация" ЖИ-боты