Олимпиадалық резервті дайындайтын спорт ұйымдары қызметінің тиімділігіне мемлекеттік аудит нәтижелері туралы баспасөз хабарламасы
2024 – 2025 жылдарға арналған мемлекеттік аудит объектілерінің тізбесіне сәйкес, Қостанай облысы бойынша тексеру комиссиясы «Қостанай облысы әкімдігінің дене шынықтыру және спорт басқармасы» ММ (бұдан әрі – спорт басқармасы), дене шынықтыру және спорт басқармасының «Жоғары спорт шеберлігі мектебі» КММ олимпиадалық резерв дайындайтын спорт ұйымдары қызметінің тиімділігіне қатарлас мемлекеттік аудит жүргізді. Қостанай облысы әкімдігінің спорт (бұдан әрі – ЖСШМ), Қостанай облысы әкімдігі дене шынықтыру және спорт басқармасының «Олимпиадалық резервті даярлау орталығы» КММ (бұдан әрі – ОРДО).
Аудитпен 2021 жылдан 2024 жылға дейінгі кезең қамтылды, қаражат көлемі 36 512 028,4 мың теңге.
Қазақстан Республикасының заңнамасын бұзудың жалпы сомасы 152 478,4 мың теңгені немесе аудитпен қамтылған қаражат көлеміне 0,4% құрады. Өтелуге жататын қаржылық бұзушылықтарға 28 242,2 мың теңге сомасына жол берілді, бұл жіберілген бұзушылықтардың жалпы сомасына 18,5% құрады.
Тиімсіз жоспарлау сомасы 45 760,8 мың теңгені, бюджет қаражатын тиімсіз пайдалану, мемлекет активтері - 78 475,4 мың теңгені құрады; рәсімдік бұзушылықтар 15 бірлік және 2 жүйелік кемшілік мөлшерінде белгіленді.
Аудит барысында 2 740,0 мың теңге өтелді, 24 714,9 мың теңге қалпына келтірілді.
Жүргізілген аудитпен спорт басқармасында ведомстволық бағынысты ұйымдардың жанар - жағармай материалдарына арналған шығыстарды есептеу кезінде бірыңғай тәсіл жоқ екені анықталды, осылайша бюджет жүйесінің бірлігі қағидаты бұзылды.
Бюджеттік бағдарламаларды әзірлеудегі формальды тәсіл жекелеген бағдарламалар бойынша мақсат пен түпкілікті нәтижеге қол жеткізуді бағалауға мүмкіндік бермеді.
Сондай-ақ, спорт басқармасында кадрлардың жоғары айналымы байқалады, ол 2023 – 2024 жылдар кезеңінде 29,8% құрады, штат саны 15 бірлік, үш бос орын бар, оның ішінде басшы.
Қаржыландырудың жеткіліксіздігіне байланысты аудитпен ведомстволық бағынысты ұйымдардың спортшылары мен жаттықтырушыларын жабдықтармен қамтамасыз етудің бекітілген нормаларына сәйкес келмеу фактілері анықталды.
Олимпиадалық резервті дайындайтын ведомстволық бағынысты мекемелерде:
- олимпиадалық резервті дайындау орталығының қызметінде пайдаланылмайтын жабдықтарды сатып алуға бюджет қаражатын тиімсіз жоспарлау;
- нормативке сәйкес спорттық жабдықтарды сатып алуға арналған ақшаны басқа мақсаттарға қайта бөлуге байланысты бюджет қаражатын тиімсіз пайдалану, мекемелер қызметінде пайдаланылмайтын активтерді сатып алу, жол жүруге, тәуліктік, тұрғын үй-жайды жалдау бойынша шығыстарды негізсіз өтеу, жоғары сапалы оқу
- жаттығу процесін тікелей қамтамасыз еткені үшін азаматтық қызметшілерге қосымша ақы негізсіз есептеу. Басқармаға іссапарға жіберілген экономистің штат бірлігін ұстау;
- спорт объектілерін жалға алу кезінде мемлекеттік сатып алу туралы Заңнаманы бұзу.
Мемлекеттік сатып алу туралы заңнаманы бұзғаны үшін ОРДО және ЖСШМ басшылары әкімшілік жауапкершілікке тартылды.
Олимпиадалық резервті дайындайтын объектілердің өзіндік материалдық – техникалық базасы жоқ, бұл оқу – жаттығу процестерін жүргізуді қиындатады.
Аудит нәтижелері бойынша спорт ғимараттарын жалға беру бойынша көрсетілетін қызметтерді мемлекеттік сатып алуды жүргізуге қатысты және спортшыларды спорттық мүкәммалмен және жабдықтармен қамтамасыз ету нормативтері бөлігінде заңнамалық актілерге толықтырулар енгізу жөнінде ұсыныстар жіберілетін болады.
Тексеру комиссиясының мүшесі Н. Томилина