ҚР ЭМ өкілдері атом энергетикасы жобаларын заңдық сүйемелдеуге бағытталған семинарға қатысы

2023 жылғы 12-13 желтоқсан аралығында Қазақстан Республикасы Энергетика министрлігі мен Tor Altai Nuclear Consulting компаниясының қолдауымен атом энергетикасы жобаларын заңдық сүйемелдеуге маманданған Pillsbury Winthrop Shaw Pittman халықаралық фирмасының қатысуымен семинар өтуде.
Семинар келесі тақырыптарды қамтуды көздейді: меншік үлгілері мен құрылымдары; атом саласындағы сатып алулар мен келісімшарттар; атом жобаларын қаржыландыру; ядролық технологияларды беру, ядролық экспортты бақылау және санкциялар; ядролық залал мен сақтандыру үшін жауапкершілік; ядролық қызметті лицензиялау және реттеу.
Бұл семинардың негізгі спикері Pillsbury компаниясының жаһандық энергетика саласының серіктесі және халықаралық ядролық жобалар бойынша компаниялар тобының жетекші мүшесі Элина Теплинский ханым болды.
Семинарға қатысу үшін Қазақстанның атом саласының мемлекеттік органдары мен ұйымдарының өкілдері шақырылды.
Айта кету керек, көміртегі бейтараптылығының әлемдік күн тәртібін және энергетика секторында қолданылатын технологиялардың ағымдағы даму деңгейінің шарттарын ескере отырып, атом электр станциясының құрылысы шығатын қуаттарды ауыстырудың ең перспективалы шешімі болып табылады.