Венада ядролық қауіпсіздік туралы конвенцияға мүше мемлекеттердің бірлескен шолу кездесулері өтті

2023 жылғы 20-24 наурыз аралығында Аустрияның Вена қаласында Қазақстан Республикасы Энергетика министрлігінің өкілдері Атом энергиясы жөніндегі халықаралық агенттікте (АЭХА) Ядролық қауіпсіздік туралы конвенцияға мүше мемлекеттердің бірлескен 8 және 9 шолу кездесулеріне қатысты.

Сапар аясында қазақстандық делегация АЭХА-ның Атом энергиясы департаментінің өкілдерімен Қазақстанда АЭС салу мәселелері бойынша кездесуге қатысты. Кездесу барысында Қазақстанның ядролық-энергетикалық инфрақұрылымын дамыту деңгейі талқыланып, ұсыныстар берілді.

Кездесу қорытындысы бойынша АЭХА сарапшылары Қазақстанның атом саласын дамыту үшін техникалық және консультациялық көмегін көрсету арқылы екіжақты ынтымақтастықты одан әрі жалғастыратынын атап өтті.