Министрлердің бірлескен мониторинг комитетінің 38-ші отырысы және ОПЕК+ 26-шы министрлер кездесуінің қорытындылары

Бүгін, 2 наурызда ОПЕК+ келісіміне қатысушы елдердің министрлік отырысы бейнеконференция форматында өтті.

Отырысқа Қазақстан атынан Энергетика министрі Болат Ақшолақов қатысты,-деп хабарлайды ҚР ЭМ баспасөз қызметі.

Отырыс барысында қаңтар айында келісім тараптарының міндеттемелерді орындауы талқыланды.

Отырыс қорытындысы бойынша шектеулерді толық алып тастағанға дейін ОПЕК+ елдерінің ағымдағы өндіру деңгейін ай сайын тәулігіне 400 мың баррельге арттыруды жалғастыру туралы шешім қабылданды.

2022 жылдың сәуір айында ОПЕК+ шеңберінде Қазақстан үшін квота сәйкесінше тәулігіне 1,621 млн. баррельді құрайды.

Асыра орындалған көлемдерді өтеу кезеңі 2022 жылғы маусымның соңы болып қалады.