Қазақстан мен Сауд Арабиясы Корольдігі энергетика саласында бірлескен инвестициялық жобаларды жасау бойынша ұсыныстармен алмасады

Қазақстан Республикасының Энергетика министрі Мағзұм Мырзағалиев Сауд Арабиясы Корольдігінің инвестициялар министрі Халид бен Абдулазиз әл-Фалихпен кездесу өткізді.

 

Кездесуге Сауд Арабиясы Корольдігінің Энергетика министрлігінің өкілдері, сондай-ақ ARAMCO, SABIC, ACWA POWER, Aljomaih Energy and Water Company және Desert Technology сияқты ірі саудиялық компаниялар қатысты.

 

Кездесу барысында жаңартылатын энергия көздері, электр энергетикасы, атом энергетикасы және мұнай-газ секторы саласындағы өзара тиімді ынтымақтастықтың перспективалары талқыланды.

 

Отырыс қорытындысы бойынша тараптар энергетика саласында бірлескен инвестициялық жобаларды құру бойынша ұсыныстармен алмасуға келісті.