Нұрлан Ноғаев аварияларды жою кезіндегі қажырлы еңбегі үшін қатардағы энергетиктерге алғыс білдірді
18 наурызда Энергетика министрі Нұрлан Ноғаевтың қатысуымен өткен кеңес барысында ағымдағы жылғы 10-17 қаңтар аралығында Атырау энергия торабында болған технологиялық бұзушылықтарды тексеру жөніндегі комиссия жұмысының қорытындылары айтылды, деп хабарлайды ҚР ЭМ Баспасөз қызметі.
Тексеру барысында комиссия ауа райының қолайсыз жағдайында 2021 жылғы 10-11, 15-17 қаңтарда «КЕGОС» АҚ Батыс ЖЭС филиалының жоғары вольтты жабдықтарындағы технологиялық бұзушылықтар жабдықтың оқшаулаудың қанағаттанарлықсыз төмен кедергісі салдарында «тәждік разрядтар» себебінен қорғау әсерінен болғанын анықтады. Тұман мен жаңбыр кезінде атмосфералық ылғал оқшаулағыштардың бетіне жиналып, қосалқы станцияларда көптеген және кең таралған «тәж разрядтарын» тудырған өткізгіш қабат пайда болды.
Ағымдағы жылғы 10-11 қаңтарда технологиялық бұзушылықтардың дамуы Атырау энергия торабында кернеудің «қонуы» кезінде және «Karabatan Utility Solutions» ЖШС ГТЭС электр станциясының екі турбогенераторының технологиялық қорғаныстардан ажыратылуына байланысты орын алды. «Karabatan Utility Solutions» ЖШС ГТЭС электр станциясынан генерацияны қалпына келтіруді қамтамасыз етпеу және энергия торабында қуат тапшылығының туындауы салдарынан жиілік 48,9 Гц - ке дейін төмендеді, бұл тұтынушылардың жүктемесін 97 МВт көлемінде, оның ішінде Атырау облысында - 70 МВт, Маңғыстау облысында-27 МВт көлемінде өшіре отырып, жиілікті болдырмау автоматикасының жұмысына әкелді.
«Индер-Атырау» ӘЖ-220 кВ істен шығуына байланысты Орал энергия торабынан электр энергиясының ағынын қамтамасыз ету мүмкіндігі жоқ, Атырау ЖЭО-да және МАЭК-Қазатомөнеркәсіп электр станцияларында «ыстық резервтік қуаттардың» болмауына және Маңғыстау энергия торабынан электр энергиясының ағынын шектеу мүмкіндігіне байланысты Атырау және Маңғыстау облыстарының тұтынушыларын электрмен жабдықтауда жаппай үзілістер болды.
Сонымен қатар, комиссия «КЕGОС» АҚ Батыс МЭЖ филиалының жоғары вольтты жабдықтарын пайдаланудың жүйелік кемшіліктерін анықтады, олар технологиялық бұзушылықтардың туындауына ықпал етті.
Комиссия жұмысының нәтижелері бойынша осындай технологиялық бұзушылықтарға жол бермеу жөніндегі негізгі ұйымдастырушылық және техникалық іс-шаралар әзірленді.
Бұдан басқа, Атырау және Маңғыстау энергия тораптарын электрмен жабдықтау сенімділігін күшейту бойынша ұсынымдар әзірленді.
Кеңес барысында өңірлерді энергиямен қамтамасыз етудегі проблемалық мәселелер қаралды және кеңес нәтижелері бойынша Энергетика министрі «КЕGОС» АҚ, «Karabatan Utility Solutions» ЖШС, «Атырау жылу электр орталығы» АҚ, «Атырау Жарық» АҚ энергетикалық кәсіпорындарына Атырау және Маңғыстау облыстарының тұтынушыларын электр энергиясымен сенімді және үздіксіз қамтамасыз етуді қамтамасыз ету бойынша нақты тапсырмалар берді.
- Мен қарапайым энергетиктерге алғысымды білдіргім келеді, солардың арқасында авария салдары жойылды. Аварияның себебі «KEGOC» АҚ МЭЖ Батыс филиалы тарапынан дер кезінде шаралар қабылданбауына және дұрыс пайдаланбауына негізделген бірқатар факторлардың тоғысуы болды, ал ауа райы құбылыстары күшейіп, авариялық бұзушылықтардың катализаторы болды. Біз бұдан сабақ алуымыз керек, - деді Нұрлан Ноғаев. - Біздің міндетіміз-алдағы уақытта мұндай жағдайдың қайталануына жол бермеу және халық үшін электр энергиясын үздіксіз беруді қамтамасыз ету.
Айта кетейік, бұған дейін Атырау облысында ТКШ желілеріне орнату үшін 50 жиынтықты трансформаторлық қосалқы станция сатып алынған болатын, қазіргі уақытта «Атырау Жарық» оларды орнатумен айналысуда. Бұл шара өңірдегі электр энергиясын беруді тұрақтандыруға көмектеседі.
Сондай-ақ, министр «АМӨЗ» ЖШС, Каспий Құбыр Консорциумы, «Теңізшевройл» ЖШС, «KEGOC» АҚ, Атырау және Маңғыстау облыстарының әкімдіктеріне өндірістің технологиялық процестерін тұрақты электрмен жабдықтауды қамтамасыз ету бойынша тапсырмалар берді.
- Аварияларға қарамастан өндірістік процестер тоқтамауы тиіс. Атомдық және энергетикалық қадағалау мен бақылау комитеті кәсіпорындарда жойылуы қажет бірқатар кемшіліктерді анықтады. Жүйелік операторды кеңесші ретінде қосыңыз, барлық қажетті резервтеріңізді қолданыңыз. Оған барынша жауапкершілікпен қараңыз, - деп қорытындылады министр. (Мұрағаттық сурет)