2020 жылғы 10 қарашадағы белгіленген жиынтық қуаты 15 МВт КЭС жобаларын іріктеу бойынша аукциондық сауда-саттықтың қорытындылары
Қазақстанда ЖЭК бойынша 30-шы аукциондық сауда-саттық өтті. Аукцион өтті деп танылды.
Аукциондық сауда-саттыққа қатысуға 5 компанияға рұқсат берілді, сауда сессиясын өткізу барысында қатысушылар 49 баға ұсыныстарын берді, жобалардың бірлік қуаты 1.2-ден 10 МВт-қа дейін құрады.
Берілген өтінімдердің жиынтық көлемі 36.15 МВт құрады. 2020 жылы КЭС жобаларын іріктеу бойынша аукциондық сауда-саттық өткізу кезіндегі шекті аукциондық баға 16.97 тг/кВтс (ҚҚС-сыз) құрады.
Сауда сессиясын өткізу барысында аукциондық сауда-саттыққа қатысушылардан алынған өтінімдердің баға ауқымы 16.9-дан 14.99 тг/кВтс (ҚҚС-сыз) құрады.
Аукциондық сауда-саттық қорытындысы бойынша мынадай компаниялар жеңімпаз болып айқындалды:
- «UBS QZ» ЖШС (Қазақстан), жобаның белгіленген қуаты 10 МВт, аукциондық бағасы 14.99 тг/кВт*сағ (ҚҚС-сыз). Жобаны Түркістан облысының Келес ауданына жақын орналастыру жоспарлануда;
- «UBS Solar» ЖШС (Қазақстан), жобаның белгіленген қуаты 10 МВт, аукциондық бағасы 15.62 тг/кВт*сағ (ҚҚС-сыз). Жобаны Түркістан облысының Келес ауданына жақын орналастыру жоспарлануда.
Аукциондық сауда-саттықты өткізу барысында бақылаушылар ретінде Қазақстан Республикасы Энергетика министрлігінің, «KazEnergy» ЗТБ, «ҚЭҚ» ЗТБ өкілдері қатысты. Бақылаушылар аукциондық сауда-саттықты бекітілген нормативтік құқықтық актілерге сәйкес өткізуді атап өтті және аукционды ұйымдастырушы «KOREM» АҚ электрондық сауда жүйесі жұмысының ашықтығын растады.
Келесі аукцион 2020 жылғы 11 қарашаға 15 МВт ЖЭС түрі бойынша белгіленді.
Анықтама үшін:
Қазақстан Республикасы Энергетика министрлігінің 2020 жылғы 21 мамырдағы №202 бұйрығымен бекітілген Аукциондық сауда-саттықты өткізу графигіне сәйкес 2020 жылға электр станцияларының түрлері бойынша бөле отырып, белгіленген қуаты 250 МВт көлемінде аукциондық сауда-саттықты өткізу жоспарлануда:
- күн электр станциялары – 55 МВт (оның ішінде 2 жобаның құжаттамасы бар, әр жобаның белгіленген қуаты 20 МВт);
- жел электр станциялары – 65 МВт;
- гидроэлектр станциялары – 120 МВт;
- БиоЭС – 10 МВт.
«KOREM» АҚ аукциондық сауда-саттықты ұйымдастырушы болып анықталды.
(Сурет inbusiness.kz сайтынан алынды)