ҚР Энергетика министрі жыл сайын Абу-Дабиде өткізілетін 22-ші Халықаралық мұнай-газ көрмесі мен конференциясының (ADIPEC) жұмысына қатысты

Ағымдағы жылдың 11-12 қарашасында ҚР Энергетика министрі Қ. Бозымбаев жыл сайын Абу-Даби қаласында (Біріккен Араб Әмірліктері) өткізілетін 22-ші Халықаралық мұнай-газ көрмесі мен конференциясының (ADIPEC) жұмысына қатысты. Биылғы жылы ол мұнай-газ саласының болашақ дамуын талқылауға арналған.

Конференцияға сонымен қатар БАӘ мемлекеттік министрі Сұлтан Ахмед Аль-Джабер, БАӘ энергетика және өнеркәсіп министрі Сухейль Мохаммед Аль-Мазруи, АҚШ - тың экс-Мемлекеттік хатшысы Кондолиза Райс, Үндістанның Мұнай және табиғи газ министрі Шри Дхармендра Прадхан, ОПЕК Бас хатшысы Мохаммед Баркиндо, Еуропа, Азия, Африка мұнай-газ салаларының министрлері және т.б. ресми тұлғалар қатысты.

Конференция аясында Қ. Бозымбаев БАӘ энергетика және өнеркәсіп министрі Сухейль Мохаммед әл-Мазруимен кездесу өткізді. Осы кездесу аясында жетекшілік ететін салалардағы екіжақты қарым-қатынастарды дамыту перспективалары талқыланды.

Сонымен қатар, «Borealis» компаниясының басқарма төрағасы А. Штернмен кездесу өткізілд,. оның аясында тараптар Атырау облысында полиэтилен өндіру жобасын іске асыру барысын талқылады.

ҚР Энергетика министрлігінің Баспасөз қызметі