Тәуелсіздік жылдарында Қазақстанда қолайлы инвестициялық ахуал құрылды, оның ішінде саяси және макроэкономикалық тұрақтылық, кәсіпкерлікті мемлекеттік қолдау. Біздің елімізде жер қойнауын пайдалануды дамыту маңызды және басым бағыт болып табылады.
Жүргізіліп жатқан реформалар жер қойнауын пайдалану саласының бәсекеге қабілеттілігін, технологиялық және кәсіби деңгейін арттыруға, инвесторлар, жұмыс орындары мен әлеуметтік жағдайды жақсартуға қолайлы жағдай жасауға бағытталған.
2026 жылдың II тоқсанының қорытындысы бойынша көмірсутектер бойынша жер қойнауын пайдалануға арналған 317 келісімшарт бар.
2026 жылдың I тоқсанында жер қойнауын пайдалануға инвестиция сомасы 928,3 млрд. теңгені (2025 жылдың осы кезеңінде – 1,07 трлн. теңге), оның ішінде геологиялық барлауға – 31,8 млрд. теңге (2025 жылдың I тоқсанында – 57,1 млрд. теңге), өндіруге – 720,5 млрд. теңгені құрады (2025 жылдың I тоқсанында – 697,4 млрд. теңге). Заңнамаға сәйкес жер қойнауын пайдаланушылардың жылдық есептері қаңтар айының соңына дейін тапсырылады.
Мемлекет Басшысының тапсырмасы шеңберінде қабылданған келісімшарттық міндеттемелерді орындамай ұзақ уақыт ұсталатын жер қойнауы учаскелерін тексеру жөніндегі жүйелі бұзушылықтары бар 11 келісімшарт тоқтатылды.
Мемлекетке қайтарылған жер қойнауы учаскелері инвестиция тарту үшін аукционға қойылды.
«Жер қойнауы және жер қойнауын пайдалану туралы» ҚР Кодексінің 77-бабының 4-тармағына сәйкес 2023-2024 жылдарға Өндіруші салалардың ашықтығы бастамасы шеңберіндегі ақпарат Министрліктің ресми интернет-ресурсында жарияланған (https://www.gov.kz/memleket/entities/energo/documents/details/981640?lang=ru ).