Оңтүстік аймаққа арналған жалпы қуаты 20 МВт күн электр станциялары жобаларын іріктеу бойынша аукцион өтті

2018 жылғы 6 маусымда Оңтүстік аймаққа арналған жалпы қуаты 20 МВт күн электр станциялары жобаларын іріктеу бойынша тоғызыншы аукцион өтті.  

9 қазақстандық және Ресей, Қытай, Болгария, Франция елдерінің өкілдерін қоса алғанда шетелдік компаниялардан 12 өтінім келіп түсті, жобалардың бірлік қуаты 3-тен 10 МВт-қа дейін. Өтінімдердің жалпы көлемі 92,9 МВт құрады. Аукциондағы бастапқы баға – 34,61 теңге/кВт*cағ.
3 сағаттық сессия ішінде тарифтердің ұсынылған диапазоны 28,00 теңге/кВт*cағ.-нан 34,56 теңге/кВт*cағ. дейін болды.

Қатысушылар саны 3-тен артық және сатып алынатын қуат мөлшері 150% жоғары болғандықтан, ЖЭК жобаларын іріктеу бойынша аукциондық сауда-саттықты ұйымдастыру және өткізу қағидаларына сәйкес аукцион өткізілді деп саналады.

Аукционда бақылаушылар ретінде ҚР Энергетика министрлігінің, үкіметтік емес сектордың және халықаралық ұйымдардың өкілдері қатысты. Бақылаушылар аукционды ұйымдастырушы – «Электр энергиясы мен қуаты рыногының қазақстандық операторы» АҚ-ның электронды сауда жүйесі жұмысының толық ашықтығын атап өтті.

Электронды сауда-саттық қорытындысы бойынша мынадай қатысушылар жеңімпаз болып анықталды:

1. URBASOLAR SAS 5 МВт-қа 28,00 теңге/кВт*cағ. бағамен;

2. «ТехноБазальт» ЖШС 3 МВт-қа 28,99 теңге/кВт*cағ. бағамен;

3. Hydroenergy company JSC 10 МВт-қа 29,00 теңге/кВт*cағ. бағамен.

 

Келесі аукцион 2018 жылғы 7 маусымда өтеді.

 

Анықтама ретiнде:

Қазақстанда 2018 жылдың 23 мамырынан 7 маусымына дейін және 3-18 қазан аралығында жаңартылатын энергия көздері жобаларын іріктеу бойынша бірінші халықаралық аукциондық сауда-саттықты өткізу жоспарлануда.

Аукциондық сауда-саттық, жаңартылатын энергия көздерін жоспарлы дамыту кезеңдерінің бірі бола отырып, ең тиімді жобаларды іріктеуге және жаңартылатын энергия көздері объектілері арқылы өндірілетін электр энергиясына нарықтағы бәсекелес бағаны қалыптастыруға бағытталған.

Аукциондық сауда-саттықты ұйымдастыру мен өткізу қағидаларына сәйкес (ҚР ЭМ 21.12.2018 ж. №466 бұйрығы) ҚР Энергетика Министрлігі аукциондық сауда-саттық графигін қалыптастырды.

ҚР Энергетика Министрлігі бекіткен аукциондық сауда-саттық графигіне сәйкес, ағымдағы жылы белгіленген қуаты 1 000 МВт көлемінде аукциондық сауда-саттықты өткізу жоспарлануда, электр станцияларының түрлері бойынша:

• күн электр станциялары – 290 МВт;
• жел электр станциялары – 620 МВт;
• су электр станциялары – 75 МВт;
• биоэлектр станциялары – 15 МВт.

«КОРЭМ» АҚ аукциондық сауда-саттық ұйымдастырушысы болып анықталды.

  

ҚР Энергетика министрлігінің Баспасөз қызметі