Ағымдағы жылы 11 қыркүйекте Энергетика министрлігінде Отынэнергетикалық кешен және экологиялық мәселелер бойынша Қоғамдық кеңестің Экология бойынша Комиссиясының кезекті отырысы өткізілді. Отырыста Қоғамдық кеңестің мүшелері, Министрліктің, Үкіметтік емес ұйымдардың өкілдері, Өндірушілердің кеңейтілген міндеттемелері операторлары қатысты. Қоғамдық кеңестің мүшелерімен қалдықтарды басқару саласында және әзірленетін жаңа Экологиялық кодексі Тұжырымдамасы шеңберінде ұсыныстарды енгізу, Қауымдастық негізінде қалдықтарды басқару жөнінде Техникалық комитетті құру бойынша мәселелер қарастырылды, өндіріс және тұтыну қалдықтарын уақытша сақтау саласында заңнаманы жетілдіру мәселелері пысықталды. Сондай-ақ, отырыста қазіргі мемлекеттік бағдарламалар шеңберінде тұрмыстық, өндірістік және сұйық қалдықтарды басқару салаларын ынталандыру, проблемалар мен жетістіктерінің талдауы ұсынылды. Отырыстың қорытындылары бойынша Экология бойынша комиссия мүшелерімен тиісті ұсыныстар ұсынылды.