2018 жылы 25-26 қыркүйекте Астана қаласында USAID "С5+1" жобасы аясында Environmental Law Institute және Abt Associates бірлесе отырып «Қазақстандағы климаттың өзгеруіне бейімделуге секторлық және облыстық сарапшыларды тарту» тақырыбында семинар өтті. Осы семинарға орталық және жергілікті атқарушы органдардың, квазимемлекеттік сектор ұйымдарының, ғылыми-зерттеу институттарының өкілдері қатысты.
Семинар барысында климаттың өзгеруіне бейімделу бойынша нормаларды Экологиялық кодекстің жаңа редакциясына енгізу үдерісі ұсынылды, тәуекелдерді бағалаумен танысу өтті, климаттың таңдалған секторға әсерін анықтау бойынша, әлеуетті бағалау және тәуекелді бағалау бойынша кезең-кезеңмен практикалық сабақтар өткізілді. Семинар қорытындысы бойынша барлық қатысушыларға сертификаттар табысталды.