«Қоршаған ортаны қорғау саласындағы мемлекеттік көрсетілетін қызмет стандарттарын бекіту туралы» Қазақстан Республикасы Энергетика министрінің 2015 жылғы 23 сәуірдегі № 301 бұйрығына өзгерістерді енгізу туралы» Қазақстан Республикасының Энергетика министрінің бұйрық жобасы (бұдан әрі – Бұйрық жобасы) «Құқықтық актілер туралы» 2016 жылғы 6 сәуірдегі Қазақстан Республикасы Заңының 50-бабының 2-тармағына сәйкес, сондай-ақ «Мемлекеттік көрсетілетін қызметтер тізілімін бекіту туралы» Қазақстан Республикасы Үкіметінің 2013 жылғы 18 қыркүйектегі № 983 қаулысына өзгерiстер мен толықтырулар енгізу туралы» Қазақстан Республикасы Үкіметінің 2018 жылғы 29 желтоқсандағы № 913 қаулысына сәйкес келтіру мақсатында әзірленді.
Бұйрық жобасы «Экологиялық ақпарат беру» қоршаған ортаны қорғау саласындағы мемлекеттік көрсетілетін қызметін одан әрі жетілдіру бағытталған.
Жоба ашық нормативтік құқықтық актілер интернет-порталында (сілтеме: http://egov.kz. Ашық үкімет ® Ашық НҚА ® Орталық мемлекеттік органдар ® ҚР Энергетика министрлігі) және Қазақстан Республикасының Энергетика министрлігінің сайтында www.energo.gov.kz (сілтеме:http://kz.energo.gov.kz/index.php?id=23852) орналасқан.
Жобаны қабылдау теріс әлеуметтік-экономикалық және/немесе құқықтық салдарға әкелмейді.