2019 жылдың 21 тамызында Қазақстан Республикасы Энергетика министрлігінде энергетика министрі Қ. А. Бозымбаевтың төрағалығымен облыстар мен Нұр-Сұлтан, Алматы, Шымкент қалаларының әкімдерінің орынбасарларының және Қазақстан Республикасы Энергетика министрлігі Атомдық және энергетикалық қадағалау және бақылау комитетінің, Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитетінің, "KEGOC" АҚ, "Самұрық-Энерго" АҚ, "ҚТЖ "ҰК" АҚ, "ҚазТрансГаз-Аймақ" АҚ, "Интергаз - Орталық Азия" АҚ және энергетикалық кәсіпорындардың басшыларының қатысуымен 2019-2020 жж. жылыту маусымына дайындық барысы туралы салалық селекторлық кеңес өткізілді.
Салалық селекторлық кеңесте энергетика министрлігінің алдағы күзгі-қысқы кезеңге дайындық мәселелері, энергия өндіруші кәсіпорындарда жөндеу жұмыстарын жүргізу және еліміздің энергия көздерінде отын жинақтау мәселелері, сондай-ақ Индустрия және инфрақұрылымдық даму министрлігінің алдағы жылыту маусымына әлеуметтік сала, денсаулық сақтау, тұрғын үй объектілерін дайындау мен коммуналдық-тұрмыстық қажеттіліктерге және дербес қазандықтарға отын жинақтау мәселелері қаралды.
Ел тұтынушыларын алдағы күзгі-қысқы кезеңде тұрақты энергиямен жабдықтау үшін 2019 жылға арналған электр станцияларының негізгі жабдықтарын жөндеудің бекітілген кестесіне сәйкес ағымдағы күнге 11-ден 5 энергия блогының жөндеуі аяқталды, бұл жылдық жоспардың 36% - ын құрайды, 63-тен 34 қазан, бұл жылдық жоспардың 53% - ын құрайды, 46-дан 20 турбина, бұл жылдық жоспардың 43% - ын құрайды. Әр түрлі кезеңдерде жөндеу жұмыстары 3 энергоблокта, 28 қазанда және 15 турбинада жүргізілуде. Электр желілері бойынша 15 мың км электр беру желілері мен 836 қосалқы станцияларға жөндеу жүргізілді, бұл тиісінше жылдық жоспардың 58% және 66% - ын құрайды. Алдағы жылыту кезеңіне дайындық үшін 531 орталықтандырылған жылумен жабдықтау аймағындағы қазандықтың 279-на жөндеулер жүргізілді, бұл жылдық жоспардың 53% - ын құрайды. Жалпы жөндеу жұмыстары бекітілген кесте бойынша жүргізілуде.
Қазақстан Республикасы Индустрия және инфрақұрылымдық даму министрлігінің ақпараты бойынша ағымдағы жылдың 15 тамызына жылу көздері бойынша 10 571 автономды қазандықтың 9 016-ы дайындалды, бұл 85,3% құрайды. Батыс Қазақстан облысының, Маңғыстау облысының және Алматы қаласының қарқыны төмен. Жоспарланған 4 991 км-ден ағымдағы кезеңге 3 904 км жылу желілері немесе 78,2% жөнделді. Атырау облысында және Нұр-сұлтан қаласында әзірліктер төмен. 15 112 км жоспарда 12 435 км сумен жабдықтау желілері жөнделді немесе 82,3 %. Маңғыстау, Түркістан облыстарының және Шымкент қ. дайындықтары төменд. Әлеуметтік сала объектілері бойынша ағымдағы кезеңге 9 479 білім беру нысаны немесе 86,4% дайындалды, Денсаулық сақтау объектілері 5 940 нысанның 5 226 дайындалды немесе 88%. Батыс Қазақстан, Маңғыстау облыстарында қарқын төмен. Жөндеуге жоспарланған 46 793 тұрғын үйдің 35 178 орындалды немесе 75,2%. Батыс Қазақстан, Солтүстік Қазақстан облыстарында және Шымкент қаласында қарқын төмен.
Автономды қазандықтарға жоспар бойынша 1,7 млн.тонна көмірдің 838,3 мың тонна көмірі дайындалды немесе 47,9%, жоспар бойынша 111,6 мың тонна мазуттың 52,9 мың тоннасы дайындалды немесе 47,4%. Ақмола, Шығыс Қазақстан облыстарында қарқын төмен.
Селекторлық кеңестің қорытындысы бойынша облыстардың және Нұр-сұлтан, Алматы, Шымкент қалаларының әкімдіктеріне, сондай-ақ энергетикалық кәсіпорындарының бірінші басшыларына Қазақстан Республикасының энергетика министрі: жөндеу жұмыстарын белгіленген мерзімде тиісті сапаны сақтай отырып аяқтауды, КҚК басталғанға дейін жеткізілген отын үшін берешектерді өтеу жөніндегі жұмыстарды ұйымдастыруды, отынның нормативтік қорын жинақтауды, электр энергиясын өндіру/тұтыну режимінің сақталуын қамтамасыз етуді тапсырды.
Сондай-ақ, ведомство басшысы жұмыс қауіпсіздігі және энергетикалық жабдықтарды пайдалану жағдайын бақылау шараларын күшейтуді және энергетикалық кәсіпорындардың күзгі-қысқы кезеңдегі жұмысқа әзірлігі паспортын алуға материалдарын уақтылы жіберуді тапсырды.
ҚР Энергетика министрлігінің Ақпарат және коммуникациялар басқармасы