Қазақстан Республикасы Энергетика министрлігінің кейбір бұйрықтарына өзгерістер енгізу туралы №315 бұйрық

БҰЙЫРАМЫН:

  1. «Ядролық материалдарды мемлекеттік есепке алу қағидаларын бекіту туралы» Қазақстан Республикасы Энергетика министрінің 2016 жылғы
    9 ақпандағы № 44 бұйрығына (Нормативтік құқықтық актілерді мемлекеттік тіркеу тізілімінде № 13470 болып тіркелген, 2016 жылғы 29 наурызда Қазақстан Республикасы нормативтік құқықтық актілерінің «Әділет» ақпараттық-құқықтық жүйесінде жарияланған) мынадай өзгеріс енгізілсін:

көрсетілген бұйрықпен бекітілген Ядролық материалдарды мемлекеттік есепке алу қағидаларында:

1, 2, 3, 4, 5, 6, 7, 8, 9, 10, 11, 12, 13 және 14-қосымшалар осы бұйрыққа                 1, 2, 3, 4, 5, 6, 7, 8, 9, 10, 11, 12, 13 және 14-қосымшаларға сәйкес жаңа редакцияда жазылсын.

  1. «Иондандырушы сәулелену көздерін мемлекеттік есепке алу қағидаларын бекіту туралы» Қазақстан Республикасы Энергетика министрінің міндетін атқарушысының 2016 жылғы 12 ақпандағы № 59 бұйрығына (Нормативтік құқықтық актілерді мемлекеттік тіркеу тізілімінде № 13458 болып тіркелген,
    2016 жылғы 29 наурызда Қазақстан Республикасы нормативтік құқықтық актілерінің «Әділет» ақпараттық-құқықтық жүйесінде жарияланған) мынадай өзгерістер енгізілсін:

көрсетілген бұйрықпен бекітілген Иондандырушы сәулелену көздерін мемлекеттік есепке алу қағидаларында:

9-тармақ мынадай редакцияда жазылсын:

«9. Уәкілетті органға жеке және заңды тұлғалар жіберетін есептер осы Қағидаларға 1-10 қосымшаларға сәйкес әкімшілік деректерді жинауға арналған нысандар түрінде ресімделеді (бұдан әрі - нысандар).

Нысандарды толтыру кезінде осы Қағидалардың 11-қосымшасында келтірілген операциялар коды пайдаланылады.

Жеке және заңды тұлғалармен қағаз және электронды тасымалдаушы нысандары мұқабалық хатпен бірге уәкілетті органға жіберіледі.»;

12-тармақ мынадай редакцияда жазылсын:

«12. Есепті жылдан кейінгі 31 қаңтарға дейін (қоса алғанда) сәулелену кездерінің меншік иесі болып табылатын және (немесе) оларды пайдалануды жүзеге асыратын жеке және заңды тұлғалар уәкілетті органға:

осы Қағидаларға 1-қосымшаға сәйкес (индекс: Ф1-ИСК нысаны) радионуклидті мәлімет және (немесе) радиоизотопты аспаптардың тізбесін; және (немесе);

осы Қағидаларға 2-қосымшаға сәйкес (индекс: Ф2-ИГҚ нысаны) иондандырушы сәулеленуді генерациялайтын электрофизикалық қондырғылардың тізбесін; және (немесе);

осы Қағидаларға 3-қосымшаға сәйкес (индекс: Ф3-НГ нысаны) нейтрондық генераторлардың және (немесе) нейтрондық түтікшелердің тізбесін жібереді.

Егер есепті кезеңде жеке және заңды тұлғалар сәулелену көздерін алса немесе берсе уәкілетті органға:

осы Қағидаларға 4-қосымшаға сәйкес (индекс: Ф4-ИСК нысаны) радионуклидті көздердің және (немесе) радиоизотопты аспаптардың орын ауыстыруы туралы есеп, және (немесе);

осы Қағидаларға 5-қосымшаға сәйкес (индекс: Ф5-ИГҚ нысаны) иондандырушы сәулеленуді генерациялайтын электрофизикалық қондырғылардың орын ауыстыруы туралы есеп; және (немесе);

осы Қағидаларға 6-қосымшаға сәйкес (индекс: Ф6-НГ нысаны) нейтрондық генераторлардың және (немесе) нейтрондық түтікшелердің орын ауыстыруы туралы есеп жібереді.

осы Қағидаларға 2-қосымшаға сәйкес (индекс: Ф2-ИГҚ нысаны) иондандырушы сәулеленуді генерациялайтын электрофизикалық қондырғылардың тізбесін есеп беру кезеңінде егер бар саны туралы ақпарат жаңартылған жағдайда ұсынылады.».

1, 2, 3, 4, 5, 6, 7, 8, 9 және 10-қосымшалар осы бұйрыққа 15, 16, 17, 18, 19, 20, 21, 22, 23 және 24-қосымшаларға сәйкес жаңа редакцияда жазылсын.

  1. Қазақстан Республикасы Энергетика министрлігінің Атомдық және энергетикалық қадағалау мен бақылау комитеті заңнамамен белгіленген тәртіпте:
  • осы бұйрықты Қазақстан Республикасы Әділет министрлігінде мемлекеттік тіркеуді;
  • осы бұйрықты Қазақстан Республикасы Энергетика министрлігінің интернет-ресурсында орналастыруды;
  • осы бұйрық мемлекеттік тіркелгеннен кейін он жұмыс күні ішінде Қазақстан Республикасы Энергетика министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.
  1. Осы бұйрықтың орындалуын бақылау жетекшілік ететін Қазақстан Республикасы Энергетика министрлігінің вице-министріне жүктелсін.
  2. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

 

Министрдің м.а.

 

М. Досмухамбетов

 

«КЕЛІСІЛДІ»

Қазақстан Республикасы

Ұлттық экономика министрлігінің

Статистика комитеті

 

 

Қазақстан Республикасының Әділет министрлігі

________ облысының/қаласының Әділет департаменті

Нормативтік құқықтық акті 01.10.2019

Нормативтік құқықтық актілерді мемлекеттік

тіркеудің тізіліміне № 19430 болып енгізілді

Қосымша
Дата публикации
07 октября 2019