2022 жылғы 1 сәуірден бастап 2023 жылғы 1 сәуірге дейінгі есепті кезеңге арналған жер қойнауын пайдаланушыларға, сондай-ақ жер қойнауын пайдалану жөніндегі операциялар жүргізіліп жатқан (жүргізілген) объектілерге жылдық бару тізімін бекіту туралы
Қазақстан Республикасы Энергетика министрінің 2018 жылғы 26 сәуірдегі № 142 бұйрығымен бекітілген Жер қойнауын пайдалануға арналған келісімшарттар, оның ішінде өнімді бөлу туралы келісімдер шарттарының сақталуын бақылауды жүзеге асыру қағидаларының 10-тармағына сәйкес БҰЙЫРАМЫН:
- Осы бұйрыққа 1 және 2-қосымшаларға сәйкес 2022 жылғы 1 сәуірден бастап 2023 жылғы 1 сәуірге дейінгі есепті кезеңге арналған жер қойнауын пайдаланушыларға, сондай-ақ жер қойнауын пайдалану жөніндегі операциялар жүргізіліп жатқан (жүргізілген) объектілерге жылдық бару тізімі (бұдан әрі – Жылдық бару тізімі) бекітілсін.
- Қазақстан Республикасы Энергетика министрлігінің қарамағындағы Мұнай-газ кешеніндегі мемлекеттік инспекцияның өңіраралық басқармаларының басшылары Жылдық бару тізімінің орындалуын қамтамасыз етсін.
- Қазақстан Республикасы Энергетика министрлігінің Көмірсутектер және жер қойнауын пайдалану салаларындағы мемлекеттік бақылау департаменті Жылдық бару тізімін Қазақстан Республикасы Энергетика министрлігінің ресми интернет-ресурсында жариялануын қамтамасыз етсін.
- Осы бұйрықтың орындалуын бақылау жетекшілік ететін Қазақстан Республикасының энергетика вице-министріне жүктелсін.
- Осы бұйрық қол қойылған күнінен бастап күшіне енеді.
Министр Б. Ақшолақов