Қазақстан Республикасы Энергетика министрлігінің Мұнай өнеркәсібін дамыту департаменті туралы ереже.
- Қазақстан Республикасы Энергетика министрлігінің Мұнай өнеркәсібін дамыту департаменті (бұдан әрі – Департамент) Қазақстан Республикасы Энергетика министрлігінің (бұдан әрі – Министрлік) құрылымдық бөлімшесі болып табылады.
- Департамент өз қызметінде Қазақстан Республикасының Конституциясын, Қазақстан Республикасының заңдарын, Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
- Департаменттің құрылымын, штат санын Қазақстан Республикасының заңнамасында белгіленген тәртіппен Министрліктің жауапты хатшысы бекітеді.
- Департамент мынадай:
1) мұнай тасымалдауды мониторингтеу және мұнай жобаларын дамыту;
2) мұнай өңдеу және мұнай өнімдерін өндіру мониторингі;
3) мұнай өндіруді мониторингтеу және талдамалы жұмыс;
4) мұнай-газ саласындағы еңбек және әлеуметтік мәселелер жөніндегі басқармалардан тұрады.