Меню
Автомобиль жолдары:
Шелек ауылында тар көшелермен қосқанда 121 көше бар, жалпы ұзындағы 130.59 шақырым, оның 63.72 шақырымы 49 көше асфальт төсенішімен, 66.89 шақырымы тас-топырақты.
Май ауылы бойынша 10 көше, барлығы 6.62 шақырым, оның 6.02 шақырымы асфальт, 0.61 шақырымы тас-топырақты.
Торғайбаз ауылында 2 көше, барлығы 0.81 шақырым, асфальт төсенішімен.
Ауыз су:
Шелек ауылы – 54.7 км. немесе 60% (қалған 40 % су шығаруға арналған құрылғыларды пайдаланады). Май ауылы - 8 км. немесе 100% орталықтандырылған. Торғайбаз ауылы - артезиан суын пайдаланады.
1959 жылы салынған Шелек ауылындағы су құбырларының ұзындығы 54.7 шақырымды құрайды. Оның 41 шақырымы шойыннан, қалғаны темір құбырларынан.
2021 жылы Шелек ауылының су жүйелерін жаңарту және салу үшін «Казгипроводхоз құрылыс» ЖШС-гі жобалық-сметалық құжаттарын дайындады. Шелек ауылын таза ауыз сумен қамтамасыз ету мақсатында 124 шақырым ауыз су жүйелерін тарту жұмыстарының жобалық-сметалық құжаттамалары дайындалып, мемлекеттік сараптамадан өтті. 2023 жылы ауыз су жүйелерін жаңарту және салу жұмыстары күтілуде.
Газдандыру жұмыстары:
Шелек ауылының газдандыру жұмыстарын «APL CONSTRUCTION» ЖШС-гі жүргізуде.
Табиғи газға қосылған үйлер саны – 1500,
Табиғи газға қосылуға дайын үйлер саны – 190,
Тартылған құбырлар ұзындығы – 138 942,2 м. оның ішінде орта қысымды – 9986,3 м., төмен қысымдағы – 128 955,9 м. құрайды. 6 газ таратқыш шкаф іске қосылған. Жалпы Шелек ауылын табиғи газбен қамтуға 10 газ таратқыш шкафты орналастыру қажет. 2023 жылы қалған 4 газ таратқыш шкафтың құрылысы жоспарланған.
Электр энергиясы:
Ауылдық округ бойынша электр желілерінің жалпы ұзындығы 370,24 шақырымды құрайды. КТП/ТП 112 бірлігі бар. Ауылдық округтегі электр желілерінің 70 пайызы немесе 259,1 шақырымы жаңартуды қажет етеді.
Блокты-модульді қазандық:
Шелек ауылының Жібек жолы №2 және Жібек жолы №4 көппәтерлі тұрғын үйлерін орталықтандырылған табиғи газбен қамту мақсатында блокты-модульді қазандықтың құрылысы басталды. Келер жылы жалпы 4 блокты-модульді қазандықты орналастырып және іске қосып, 7 көппәтерлі тұрғын үйді газбен қамту жоспарланған.