Ауылдық округтің орталық сумен жабдықтау жүйесінің жалпы ұзындығы 24 км, Саймасай ауылы -15 км, Амангелді ауылы - 9 км.абоненттер саны - 7002 адам немесе 1617 үйді құрайды. Саймасай ауылдық округінде 14 ұңғыма бар. Олардың барлығы Еңбекшіқазақ ауданының Әділет басқармасында иесіз нысандар ретінде тіркелген. Еңбекшіқазақ ауданы әкімінің аппараты аталған нысандар бойынша сотқа оларды иесіз деп тану туралы өтініш берді. Ағымдағы жылдың 22 қаңтарында Еңбекшіқазақ ауданы сотының шешімімен 14 ұңғыма иесіз деп танылып, Саймасай ауылдық округі әкімі аппаратының коммуналдық меншігіне қабылданды.
2022 жылы ұңғымаларды қалпына келтіру, ысырмаларды, ауыз су жинайтын екі ыдысты ауыстыру және ұңғымаларды қоршау жұмыстары басталды.
Электрмен жабдықтау
Ауылдық округ бойынша 86,4 км электр желілері бар. Тозу пайызы 70 пайызды құрайды. "АЖК" АҚ электрмен жабдықтау ұйымы қызмет көрсетеді, сондай-ақ әкімдік балансында 3-ТП бар.