Рахат ауылдық округіне қарасты Қайназар ауылындағы К. Данияров көшесінде ескі электр бағаналарының тозуына байланысты «АЖК» АҚ тарапынан 10 кВ электр желісінің 18 бағанасы ауыстырылды.
Бұл жұмыстар тұрғындарды электр жарығымен үздіксіз қамтамасыз ету үшін жүргізілді.
Рахат ауылдық округінде алма жинау науқаны жалғасуда! Бақтарда қызу еңбек жүріп жатыр. Еңбеккерлер әрбір жеміске өз еңбегі мен қамқорлығын арнап, піскен, шырынды алмаларды жинауда. 🍏 Әрбір мол өнімнің артында үлкен еңбек, шыдамдылық және туған жерге деген сүйіспеншілік жатыр. 🌿
2026 жылғы 16 қазанда Қайназар ауылында жұмыстар жүргізіп жатқан мердігер мекеме өкілдерімен кездесу өткізілді. Кездесу барысында сумен жабдықтау жүйесін қайта жаңғырту және салу жұмыстарына байланысты зақымданған су құбыры желілерінің учаскелерін қалпына келтіру мәселелері талқыланды.
Қазіргі уақытта ауылда ауызсу қалыпты режимде берілуде. Дегенмен, жер қазу жұмыстары барысында жекелеген учаскелердегі магистральдық және абоненттік су құбырлары зақымданып, оларды қалпына келтіру қажеттілігі туындаған.
Мердігер мекемеге анықталған ақауларды жою және қажетті жөндеу жұмыстарын тұрақты суық түскенге дейін, яғни ауа райы қолайлы болып тұрған кезеңде аяқтау міндеті жүктелді.
Негізгі мақсат қыс мезгілінде Қайназар ауылының тұрғындарын сенімді әрі үздіксіз ауызсумен қамтамасыз ету және ықтимал апаттық жағдайлардың алдын алу.
Рахат ауылдық округіне қарасты Азат ауылында ауызсу жүйесінің құрылысы бақылауда.
ТҮКШ және ТҮИ тарапынан жүзеге асырылып жатқан жоба аясында таудан тартылатын ұзындығы 7 шақырымдық су құбыры жүйесінің құрылыс барысымен танысып, мердігер мекеме өкілдерімен бірге атқарылып жатқан жұмыстарды тексердік.
Қазіргі таңда 4–5 шақырым аралығындағы бөлікте қазу жұмыстары аяқталған. Алдағы уақытта каптаж құрылысы мен су құбырының қалған 2–3 шақырымдық бөлігін тарту жоспарланған. Мердігер мекеме өкілдерінің мәліметінше, ауа райы қолайлығына байланысты құрылыс жұмыстары жоспарға сәйкес жүргізіледі.
Жұмыс барысы пысықталып, жауапты тұлғаларға тиісті тапсырмалар берілді. Негізгі мақсат — құрылыс сапасын қамтамасыз етіп, жобаны белгіленген мерзімде аяқтау және Азат ауылының тұрғындарын сапалы ауызсумен қамту.
15 қазан Рахат округіне қарасты Өрікті ауылы тұрғындарымен тұрақты кездесу өтті.
Кездесу барысында округте 2026 жылы бойынша атқарылған жұмыстармен 2027 жылға міндеттер туралы айтылды.
Ауыл тұрғындарының проблемалық мәселері туралы сұрақтар қойылып, тиісінше жауаптар берілді.
Рахат ауылдық округінде жүгері жинау науқаны қызу жүріп жатыр!
Күз – ауыл шаруашылығы маусымының қорытындысын шығаратын маңызды кезең. Рахат ауылдық округінің алқаптарында жүгері жинау жұмыстары қарқынды жүргізілуде. Әрбір мол өнімнің артында диқандардың маңдай тері, егістікке деген күтімі мен ауыл шаруашылығы техникасының тынымсыз еңбегі жатыр.
Барлық ауыл шаруашылығы тауарын өндірушілерге қолайлы ауа райын, мол өнім мен берекелі еңбек тілейміз! Жүгері жинау науқаны сәтті аяқталып, еңбектеріңіз жемісті болсын!
«Кибербуллингке жол жоқ!»
2026 жылғы 13 қазанда кибербуллингтің алдын алу және интернеттегі қауіпсіздік мәдениетін қалыптастыру мақсатында ақпараттық-түсіндіру жұмыстары жүргізіліп, тұрғындарға «Кибербуллингке жол жоқ!» тақырыбында ақпараттық брошюралар таратылды.
Іс-шара барысында интернет кеңістігінде әдептілік сақтау, бір-біріне құрметпен қарау, қорлау мен қудалауға жол бермеу және кибербуллингке тап болған жағдайда тиісті шаралар қабылдау қажеттілігі түсіндірілді.
Кибербуллингке жол бермейік! Қауіпсіз интернет – ортақ жауапкершілік!