сыбайлас жемқорлық тәуекелдеріне ішкі талдау жүргізу

«Рахат ауылдық округіәкімінің аппараты» ММ-нің

2023 жылдың 01 қаңтарынан-31 қазан айлары бойынша

сыбайлас жемқорлық тәуекелдеріне

ішкі талдау жүргізудің нәтижелері туралы

АНЫҚТАМА

 Қайназар ауылы                                                                             01.10.2023 жыл

Кіріспе бөлім

Қазақстан Республикасының «Сыбайлас жемқорлыққа қарсы іс-қимыл туралы» 2015 жылғы 18 қарашадағы Қазақстан Республикасының Заңына сәйкес   «Рахат ауылдық округі әкімінің аппараты» мемлекеттік мекемесі сыбайлас жемқорлықтың алдын алу мақсатында өз қызметінде «Сыбайлас жемқорлық тәуекелдеріне ішкі талдау жүргізу туралы» 2023 жылдың 24 қантардағы № 5 өкімі негізінде сыбайлас жемқорлық тәуекелдеріне ішкі талдау жүргізілді. Ішкі талдауға 2023 жылдың 9 айы кезеңі қамтылды.

Аппарат өз қызметін Еңбекшіқазақ ауданы әкімдігінің 2018 жылғы 12 қаңтардағы №13 қаулысымен бекітліген Ереже негізінде жүргізеді. Еңбекшіқазақ ауданының Рахат ауылдық округі аумағында мемлекеттік саясатты жүзеге асыру.

Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген «Сыбайлас жемқорлық тәуекелдеріне ішкі талдау жүргізудің үлгілік қағидаларына» сәйкес келесі бағыттары бойынша ішкі талдау жүргізілді:

Кадрлар ауысымы бағыты бойынша:

Штаттық кестеге сәйкес 2023 жылдың 1 қантар бойынша аппараттағы жалпы мемлекеттік қызметшілер саны 15 (1 вакант) бірлікті құрайды.           Барлық мемлекеттік қызметшілер мемлекеттік әкімшілік қызметшілерге қойылатын біліктілік талаптарына сәйкес келеді.

Талданып отырған кезеңде мүдделер қақтығысы, аффилиирлену, қызметкерлерді жұмыстан босату, лауазымын төмендету, командалық орын ауыстыру фактілері анықталған жоқ. Талдау барысында сыбайлас жемқорлық тәуекелдері анықталған жоқ.

Қазақстан Республикасының «Сыбайлас жемқорлыққа қарсы іс-қимыл туралы» Заңының 12 бабының 1 тармағына сәйкес, жауапты мемлекеттік лауазымды атқаратын адамдардың, мемлекеттік функцияларды орындауға уәкілеттік берілген адамдардың, оларға теңестірілген адамдардың (Қазақстан Республикасының Президенттігіне, Қазақстан Республикасы Парламентінің немесе мәслихаттарының депутаттығына, аудандық маңызы бар қалалардың,

кенттердің, ауылдардың, ауылдық округтердің әкімдігіне, сондай-ақ жергілікті өзін-өзі басқару сайланбалы органдарының мүшелігіне кандидаттарды қоспағанда), лауазымды адамдардың, сондай-ақ көрсетілген функцияларды орындауға уәкілеттік берілген кандидаттар болып табылатын адамдардың өз өкілеттіктерін жеке, топтық және өзге де қызметтікемес мүдделерде пайдалануына әкеп соғуы мүмкін әрекеттерді жасауына жолбермеу мақсатында, аталған адамдар осы Заңның 13, 14 және 15-баптарында белгіленген ерекшеліктерді ескере отырып, өздеріне:

1) мемлекеттік функцияларды орындаумен сыйыспайтын қызметті жүзеге асыру;

2) жақын туыстарының, жұбайлары (зайыптары) мен жекжаттарының біргеқызмет (жұмыс) істеуіне жол бермеу;

3) мүліктік және мүліктік емес игіліктер мен артықшылықтар алу немесе табу мақсатында, ресми таратылуға жатпайтын қызметтік және өзге де ақпаратты пайдалану;

4)Қазақстан Республикасының заңнамасына сәйкес қызметтік өкілеттіктерін орындауына байланысты сыйлықтар қабылдау бойынша сыбайлас жемқорлыққа қарсы шектеулерді қабылдайды.

Сондай-ақ Заңның 12-бабының 3-тармағына сәйкес, осы баптың 1-тармағында көрсетілген адамдардың сыбайлас жемқорлыққа қарсы шектеулерді қабылдауға келісімін тиісті ұйымдардың персоналды басқару қызметтері (кадр қызметтері) жазбаша нысанда белгілейді.

Заңның 12-бабының 4-тармағына сәйкес осы баптың 1-тармағында көрсетілген аталған адамдардың сыбайлас жемқорлыққа қарсы шектеулерді қабылдамауы лауазымға қабылдаудан бас тартуға не лауазымнан шығаруға(лауазымнан босатуға) әкеп соғады, оларды сақтамау, қылмыстық жазаланатын іс-әрекет және әкімшілік құқық бұзушылық белгілері болмаған жағдайда, олардың мемлекеттік қызметті немесе өзге де тиісті қызметті тоқтатуы үшін негіз болып  табылады.

Талдау кезінде жақын туыстарының округ әкімімен бірге жұмыс істеу фактілері жоқ екенін көрсетті, қызметтік және өзге де ақпаратты қызметкерлер заңға сәйкес пайдаланады, қызметтік өкілеттілікті орындау барысында қызметкерлер сыйлықтар қабылдамайды. Декларация уақытылы тапсырылған. Осы бағытта сыбайлас жемқорлық тәуекелдері анықталған жоқ.

Ішкі талдау кезінде, жоғарыда көрсетілген заңнамалардың талаптарын бұзу орын алған жоқ.

Тұрақты негізде әкім аппаратының барлық қызметкерлеріне Қазақстан Республикасының «Сыбайлас жемқорлыққа қарсы іс-қимыл туралы» Заңының нормаларын мүлтіксіз сақтау туралы айтылған.

          Әкім аппаратында мемлекеттік қызметшілердің біліктілігін арттыру кезеңділігін сақтау туралы: Қазақстан Республикасы Президентінің 2015 жылғы 29 желтоқсандағы №152 Жарлығымен бекітілген мемлекеттік қызметшілерді даярлау, қайта даярлау және олардың біліктілігін арттыру қағидаларында «Б» корпусының мемлекеттік қызметшілері үш жылда бір реттен кем емес біліктілігін арттырудан өтеді деп көзделген.

Мемлекеттік көрсетілетін қызмет бағыты бойынша:

Ағымдағы кезеңде аппараттағы мемлекеттік көрсетілетін қызмет түрінің жалпы саны –   279

  1. Жер учаскелерінің нысаналы мақсатын өзгертуге шешім беру, көрсетілген қызмет саны -10;
  2. Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу, көрсетілген қызмет саны – 26;
  3. Елді мекендер шегінде объектілер салу үшін жер учаскелерін беру, көрсетілген қызмет саны – 0;
  4. Жер учаскесін алу үшін кезекке қою, көрсетілген қызмет саны – 233;
  5. Жер учаскесін жекеменшікке ақысын бірден төлеп не бөліп төлеуге сату, көрсетілген қызмет саны – 0;
  6. Жер учаскесін жалдау мерзімін ұзарту, көрсетілген қызмет саны – 10.

2023  жылдың 9 айы бойынша мемлекеттік қызмет көрсету бағытында уақытысынан кешіктіру фактісі орын алған жоқ.

Көрсетілген қызметті алушылармен жұмыс «Сервистік әкімшілік» жобасын іске асыру мақсатында аппарат ғимаратында электрондық үкімет вебпорталына шығатын өзіне-өзі қызмет көрсету бұрышы дайындалып орнатылған. Халықты ақпараттандыру үшін тәртібін айқындайтын заңға нормативтік құқықтық актілер бар стендтер, анықтама телефондарының нөмірлері, өтініш үлгілері, мемлекеттік көрсетілетін тізілімі, бейнебақылау камерасы, күтуге арналған орындықтар, балалар бұрышымен қамтамасыз етілген.

Электронды қызмет көрсету бұрышы арқылы жылдың 9 айында 3561 қызмет көрсетілді.

Аппараттың ұйымдастырушылық-басқарушылық қызметінен туындайтын өзге де мәселелер:

          «Рахат ауылдық округі әкімінің аппараты» мемлекеттік мекемесінде Қазақстан Республикасының Әкімшілік рәсімдік-процестік кодексі және «Е-өтініш» ақпараттық жүйесінде белгіленген талаптардың, қарау мерзімдерінің сақталуын қамтамасыз ету бойынша тиісті шаралар жүргізілуде. Талдау барысында ауылдық округі әкімі аппаратында жеке және заңды тұлғалардың өтініштерді қарау бойынша 6 маусым 2023 жылы Рахат ауылдық округі әкімінің орынбасары Р. Қыдырғожаев өз жұмысына немқұрайлы қарағаны үшін «ескерту» түрінде тәртіптік жаза қолданылды.

  КОРЫТЫНДЫ БӨЛІМ

 «Рахат ауылдық округі әкімі аппараты» ММ қызметіндегі сыбайлас жемқорлық тәуекелдеріне ішкі талдау жүргізу қорытындысы бойынша ұсыныстар:

  1. «Рахат ауылдық округі әкімінің аппараты» мемлекеттік мекемесінде «Қазақстан Республикасының әкімшілік рәсімдік-процестік кодексі» 2020 жылғы 29 маусымдағы № 350-VІ кодексінің талаптарын қатаң түрде сақтау;
  2. «Рахат ауылдық округі әкімінің аппараты» мемлекеттік мекемесінің Ережесіне сәйкес жұмыс жүргізілсін;
  3. «Рахат ауылдық округі әкімінің аппараты» мемлекеттік мекемесінде мемлекеттік көрсетілетін тәртібі қатаң сақталып – бақылауға алынсын және жоспарға сәйкес іс-шаралар атқарылсын;
  4. «Рахат ауылдық округі әкімінің аппараты» мемлекеттік мекемесіндегі көрсетілетін мемлекеттік ақпараттандыру жұмыстары жүргізілсін және бақылауға алынсын.

Жұмыс тобы мүшелері:

Ауылдық округі әкімінің орынбасары:                                   Д.Муналбаева

Ауылдық округі әкімі аппаратының

бас маманы                                                                                    М.Құлашбаева

 Ауылдық округі әкімі аппаратының

жетекші маманы                                                                           Р.Ибдиминова

  Таныстырылды:

 Рахат ауылдық округінің әкімі                                                   Қ.Богусбаев

 

 

 

 

 

 

 

 

 

 

Дата публикации
27 октября 2023