Қазақстан Республикасы азаматының жеке куәлігі-азаматтарға 16 жастан бастап және республика аумағында беріледі. Оның аумағында тұрақты тұратын Қазақстан Республикасының барлық азаматтарының жеке куәлігі болуға тиіс. Ол 1994 жылы КСРО Ішкі төлқұжатының орнына енгізілді.
Осы мақала жеке куәлік жоғалған немесе ол ұрланған жағдайда қандай шараларды қолдану қажет екендігін ойға салады.
Ең алдымен сіз Әкімшілік құқық бұзушылықтар туралы кодексіне сәйкес (492 бап Қазақстан Республикасында тіркеусіз не жеке басты куәландыратын құжаттарсыз тұру), Қазақстан Республикасы азаматтарының күнтізбелік он күннен үш айға дейінгі мерзімде жеке куәлiксiз немесе жарамсыз жеке куәлікпен не тұрғылықты жері бойынша тіркеусіз тұруы – ескерту жасауға, үш айдан астам мерзімде – 7 АЕК мөлшерінде айыппұл салуға әкеп соғатыны туралы білуіңіз қажет.
«Қазақстан Республикасының халқын құжаттандыру және тіркеу мәселелері бойынша мемлекеттік қызметтер көрсету қағидаларын бекіту туралы» Қазақстан Республикасы Ішкі істер министрінің 2020 жылғы 30 наурыздағы № 267 бұйрығына сәйкес, Қазақстан Республикасының азаматтары жеке басын куәландыратын құжаттары жоғалған немесе ұрланған жағдайда жаңа құжаттарды алу үшін тұрақты тіркелген немесе нақты тұрып жатқан жері бойынша «Азаматтарға арналған үкімет мемлекеттік корпорация» КЕАҚ (ХҚКО) жүгінеді. Алдын ала мемлекеттік көрсетілетін қызметтердің Бірыңғай Call-орталығына 1414 нөмірі бойынша қоңырау шалып, ұсынуға қажетті құжаттар тізбесін білуге болады.
Қазақстан Республикасы азаматтарының жеке куәлікті жоғалтқан кезде қалпына келтіруге арналған құжаттар пакеті:
Қазақстан Республикасы азаматтарының жеке куәлікті ұрланған кезде қалпына келтіруге арналған құжаттар пакеті:
Жеке куәлікті беру 15 жұмыс күн алады, бірақ азаматтың қалауы бойынша қызмет жедел көрсетілуі мүмкін: Астана, Алматы, Ақтөбе, Шымкент қалаларында 1 және 3 жұмыс күн, облыс орталықтарында 3 және 5 жұмыс күн, облыстардың аудандары мен қалалары үшін 7 жұмыс күн мерзімінде.
Егер сіз жеке куәлікпен бірге жүргізушінің куәлігін жоғалтсаңыз, «Жүргізуші куәлігін жоғалтуына, қолданыс мерзімі өтіп кетуіне немесе тегін ауыстыруына байланысты қалпына келтіру » атты мақалада оларды қалпына келтіру тәртібі туралы біле аласыз.