Қазақстанда жұмыс берушілерге ШЖК тартуға рұқсат беру немесе ұзарту қағидалары өзгереді

ҚР Еңбек және халықты әлеуметтік қорғау министрлігі шетелдік жұмыскерлерді тарту тәртібін жетілдіру мақсатында жұмыс берушілерге шетелдік жұмыс күшін тартуға рұқсат беру немесе ұзарту, сондай-ақ корпоративішілік ауыстыруды жүзеге асыру қағидалары мен шарттарына түзетулер (бұдан әрі – Қағидалар) әзірледі. Бұйрықтың жобасы осы жылдың 12 шілдесіне дейін жария талқылау үшін «Ашық НҚА» порталында орналастырылған.

Құжат migration.enbek.kz платформасы арқылы қосымша мемлекеттік қызмет көрсетуді көздейді. Сондай-ақ, ҚР Әлеуметтік кодексінің нормаларын қамтамасыз ету мақсатында жұмыс берушілердің ішкі еңбек нарығында кандидатураларды іздеуді жүзеге асыруы көзделеді.

Бұдан басқа шетелдік жұмыс күшін тартуға рұқсат беру жөніндегі бизнес-процесті оңайлату мақсатында қағидалар ақпараттық жүйелер арқылы олардың функцияларын автоматтандыру жолымен жергілікті атқарушы органдар жанындағы тиісті комиссиялардың жұмысын оңтайландыруды көздейді.

Қағидамен толығырақ «Ашық НҚА» порталында https://legalacts.egov.kz/npa/view?id=15101904  сілтемесі бойынша танысуға болады.