Жұмыс берушілер мен сарапшылар Қазақстанда еңбекті қорғауды дамыту перспективаларын талқылады
Еңбекті қорғау жөніндегі республикалық ғылыми-зерттеу институты (бұдан әрі – ЕҚРҒЗИ) ҚР Еңбек және халықты әлеуметтік қорғау министрлігінің қолдауымен «PARYZ» жұмыс берушілердің Ұлттық конфедерациясымен бірлесіп Павлодарда «Қазақстан Республикасындағы еңбекті қорғау перспективалары» тақырыбында өңірлік салалық конференция өткізді, оның барысында мүдделі мемлекеттік органдардың өкілдері, сарапшылар мен жұмыс берушілер өзекті мәселелерді талқылады және жинаған тәжірибелерімен бөлісті.
ЕҚРҒЗИ Бас директоры Шолпан Әбікенова конференцияны ашып, өңірлік салалық конференцияларға бағытталған Республика кәсіпорындарында еңбекті қорғауды қамтамасыз ету саласындағы барлық мүдделі тараптардың өзара іс-қимылын қамтамасыз етудің маңыздылығын атап өтті.
«Дүниежүзілік еңбекті қорғау күні қарсаңында сарапшылар мен әлеуметтік серіктестер ең ірі индустриалды дамыған өңірлердің біріндегі ағымдағы жағдайды талқылау және кәсіпорындарда қауіпсіз еңбекті қамтамасыз ету мәселелері бойынша жұмыс берушілермен «сағаттарды салыстыру» үшін жиналды. Мұндай жоспардың іс-шаралары еңбек заңнамасын жетілдіру бойынша нақты ұсынымдар әзірлей отырып, мемлекет жұмыс берушіге қоятын және жұмыс беруші мемлекетке жолдайтын негізгі мәселелерді талқылау үшін дәстүрлі алаңға айналады», – деп атап өтті Шолпан Әбікенова.
ЕҚРҒЗИ бас директоры осы жылдың мамыр айында Қазақстанда жыл сайынғы KIOSH конференциясы өтетінін, ол биылғы жылы өзінің форматын өзгертетінін, көптеген өзекті тақырыптарды қозғайтынын, еңбекті қорғау саласындағы алдағы реформалар талқыланатынын хабарлады.
Сонымен қатар Шолпан Әбікенова қауіпсіз еңбекті қамтамасыз етудегі кәсіби тәуекелдерді бағалаудың негізгі рөлін атап өтті.
«Тәуекел неғұрлым жоғары болса, соғұрлым техникалық, гигиеналық және әлеуметтік-экономикалық сипаттағы тиісті шаралар қабылдануы керек. Жұмыс орнындағы тәуекелге қорғаудың лайықты деңгейі қарсы тұруы тиіс», – деп атап өтті ЕҚРҒЗИ бас директоры.
Сондай-ақ, ол ҚР-да 2030 жылға дейінгі қауіпсіз еңбек тұжырымдамасын іске асыру туралы айтып берді, онда ұлттық саясат жария етіледі және ұзақ мерзімді перспективада еңбекті қорғау саласын дамыту жөніндегі ұлттық бағдарлама көрініс табады. Тұжырымдама Халықаралық еңбек ұйымының Еңбекті қорғау жөніндегі жаһандық стратегиясы, Еуропа елдеріндегі еңбекті қорғау жөніндегі ұлттық стратегиялардың іргетасы болып табылатын Еуропалық еңбекті қорғау жөніндегі комиссияның 2021-2027 жылдарға арналған стратегиялық негіздемелік бағдарламасы негізінде әзірленді.
2023 жылғы Дүниежүзілік еңбекті қорғау күнінің тақырыбы - бұл еңбек саласындағы негізгі қағидат және құқық ретінде қауіпсіз және салауатты жұмыс ортасы. Сондықтан өткен конференцияда Қазақстанда еңбекті қорғауды дамыту және азаматтардың қауіпсіз еңбекке құқықтарын іске асыру перспективаларына ерекше назар аударылды.
Конференцияның екі сессиясы барысында еңбекті қорғау саласындағы мемлекеттік саясаттың тиімділігін арттыру мәселелері қаралды және осы бағыттағы үздік тәжірибелер ұсынылды.
Өңірлік конференцияларды ұйымдастыру комитетінің шешіміне сәйкес еңбек қауіпсіздігі және еңбекті қорғау саласындағы озық тәжірибелері мен инновациялық тәсілдері бар кәсіпорындардың басшылары «KIOSH-2023» еңбекті қорғау және өнеркәсіптік қауіпсіздік жөніндегі 11-і Қазақстандық халықаралық конференция мен көрменің спикерлері ретінде шақырылатын болады.