Еңбек министрлігі Нұр-Сұлтан қаласында болған қайғылы жағдайды тергеу үшін арнайы комиссия құрды

Нұр-Сұлтан қаласында «Астана Су Арнасы» МКК-ның төрт қызметкері қаза табу нәтижесінде орын алған топтық жазатайым оқиғаның себептері мен жағдайларын анықтау үшін, ҚР Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитетінің бұйрығымен арнайы комиссия құрылды.

Комиссияны Нұр-Сұлтан қаласының Бас мемлекеттік еңбек инспекторы басқарады. Оның құрамына қызметкерлер мен жұмыс берушінің өкілдері кірді.

Тергеу нәтижелері қосымша хабарланатын болады.

Қаза болғандардың туыстары мен жақындарына көңіл айтамыз.