Еңбекмині Қызылорда қаласындағы қайғылы жағдайды тексеру бойынша комиссия құрды

ҚР Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитетінің бұйрығымен, Қызылорда облысында орналасқан «Қызылорда су жүйесі» кәсіпорнында 26 шілде орын алған және адам өліміне соқтырған топтық улану дерегінің мән-жайын анықтау бойынша комиссия құрылды.

Оқыс оқиғадан 12 адам зардап шегіп, оның ішінде төртеуі (соңғысы 2017 жылдың 27 шілде күні ауруханада қайтыс болды) қаза тапты.

Тексеру жұмыстарының нәтижесі кейінірек хабарланатын болады.