2022 жылғы 25 және 26 тамыз аралығында Қырғызстанда Шолпан-Ата қаласында Еуразиялық үкіметаралық кеңес отырысына орайластырылған ТМД және ЕАЭО «Келешек» жастар форумы өтті.
Іс – шараға Армения, Беларусь, Қазақстан, Қырғызстан, Ресей және Өзбекстаннан келген жас кәсіпкерлер, мемлекеттік қызметкерлер, креативті жастар өкілдері, жас дипломаттар, студенттер қатысты.
Форум аясында «жас мемлекеттік қызметкерлер», «жас кәсіпкерлер», «креативті жастар» және «білім беру және әлеуметтік жобалар» бағыттары бойынша әзірленген ұсыныстар мен бастамалар тыңдалды, сондай-ақ ТМД және ЕАЭО кәсіби жастар өкілдері үшін қызықты өзекті жобалар бойынша пікір алмасылды.
Жас кәсіпкерлер мен стартаперлердің жобаларын ынталандыру мәселелері талқыланды.
Сондай-ақ, ЕАЭО шеңберінде жобаларды іске асыру үшін белгілі бір гранттар, инвестициялар бөлетін жастар бастамаларын қолдаудың Еуразиялық қоры құрылатыны туралы айтылды.
ҚР Еңбек және халықты әлеуметтік қорғау министрлігі тарапынан форумға Халықты жұмыспен қамту департаменті директорының орынбасары Жапалбаева Айжан Мұратбекқызы «Жас мемлекеттік қызметшілер» сессиясына қатысты.
Пікірталас барысында еліміздің президенттік кадрлық резервті қалыптастыру, мемлекеттік органдардың алға қойған міндеттеріне қол жеткізуде жобалық басқаруды енгізу бойынша оң тәжірибесі атап өтілді.
Іс-шара қорытындысы бойынша форум қатысушылары пікір алмасып, өздерін қызықтырған мәселелерді талқылады.